Fokus

Ana Kabashi me një rrëfim të fortë për prapaskenat e muzikës: “Të shesin idenë që duhesh me qenë ‘se*ksi’ që me pas sukses”

Autori: Gazeta inFokus 20:28 | 04 February 2026

Këngëtarja Ana Kabashi ka folur pa filtra për realitetin e industrisë së muzikës, duke zbuluar presionin që, sipas saj, u imponohet shpesh grave artiste.

Në një intervistë të sinqertë në emisionin ‘Zgjohu’ ajo tregoi se në shumë takime me producentë dhe studio muzikore, i është servirur ideja se për të pasur sukses duhet patjetër të ndërtojë një imazh të caktuar të jetë “seksi”, të mos flasë shumë dhe të kontrollojë çdo dalje publike.

Sipas Kabashit, kjo është një narrativë e rrezikshme që e zhvendos fokusin nga talenti te pamja.

-Advertisement-

“Nuk mjafton vetëm vokali. Shpesh të shesin idenë që duhet të jesh diçka që ndoshta nuk je. Të krijojnë ndjenjën sikur suksesi vjen vetëm nëse përshtatesh me një formë të caktuar,” u shpreh ajo.

Ajo theksoi se kjo qasje i bën shumë vajza të ndihen fajtore edhe kur thjesht kujdesen për veten apo duken mirë në publik. Sipas saj, bukuria është shndërruar në kriter dominues, duke lënë në hije punën, zërin dhe personalitetin.

“Nuk e di pse tek ne bukuria është bërë gjithçka. Ka gjëra shumë më të rëndësishme se sa me u duk perfekt,” deklaroi ajo.

Kabashi shtoi se ka pasur raste kur ka zgjedhur të largohet nga bashkëpunime që nuk kanë qenë të sinqerta, duke e vënë mbi gjithçka integritetin personal.

“Është gjynah me luajt me ëndrrat e dikujt. Kur e kupton që dikush nuk e ka qëllimin e njëjtë me ty, më mirë largohesh,” theksoi ajo./GazetaInfokus

NDIQENI EMISIONIN E PLOTË:

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

fokus

Ky website përdor cookies. Duke vazhduar përdorimin, ju pranoni përdorimin e tyre.

Privacy policy