Lajme

Deputetët përplasen në Komision gjatë intervistimit të drejtoreshës nga Peja, shkak pyetjet

Autori: Gazeta inFokus 10:56 | 20 November 2026

Komisioni Hetimor Parlamentar në rastin e Arlinda Zekajt, po interviston Albulena Muja Bajraktarin, drejtoreshë e Mirëqenies Sociale në Komunën e Pejës, lidhur me rastin e vrasjes së Arlinda Zekajt.

Por, gjatë seancës, përveç pyetjeve drejtuar Bajraktarit, pati edhe debat mes anëtarëve të komisionit.

Përplasja nisi pasi deputeti i Lëvizjes Vetëvendosje, Armend Baloku, përfundoi pyetjet e tij për drejtoreshën.

-Advertisement-

Ai u kundërshtua nga deputetja e Lidhjes Demokratike të Kosovës, Doarsa Kica Xhelili, e cila e kritikoi për mënyrën e formulimit të pyetjeve dhe kërkoi që ato të jenë në përputhje me kompetencat ligjore të personit që po intervistohet.

“ Nuk jam kundër çfarëdo pyetjeje që bëni, por të paktën t’i njohim ligjet e Kosovës dhe t’i bëjmë pyetjet në përputhje me ligjet. Nuk kemi për ta nxjerrë thelbin e dëshmisë nëse bëjmë pyetje për çështje që nuk janë në kompetencën e personave që kemi përpara. Mirë është t’i njohim ligjet”, deklaroi Kica Xhelili.

Në këtë diskutim u përfshi edhe deputetja Adelina Tërshani, e cila kundërshtoi qëndrimin e Doarsa Kica Xhelilit.

Intervistimi i Bajraktarit po vazhdon.

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy