A do t’i humbë Kosova Lojërat Mesdhetare? Kjo është përgjigja e ICMG
Autori: Gazeta inFokus
09:14 | 20 November 2026
Komiteti Ndërkombëtar i Lojërave Mesdhetare (ICMG) nuk ka dhënë përgjigje konkrete nëse Kosova ende mund ta ruajë të drejtën e organizimit të Lojërave Mesdhetare Prishtina 2030, pavarësisht shqetësimeve të ngritura për përgatitjet dhe përmbushjen e obligimeve nga institucionet vendore.
KosovaPress-i i është drejtuar ICMG-së, duke kërkuar sqarime për situatën aktuale dhe duke pyetur nëse ekziston ende mundësia që Kosova t’i përmbushë kërkesat e nevojshme dhe ta organizojë me sukses këtë ngjarje sportive, apo nëse procesi ka arritur në një pikë ku tashmë është tepër vonë për të realizuar zotimet e marra.
Në përgjigjen e dërguar të enjten në mbrëmje, Sekretariati i ICMG-së ka orientuar që për informata të mëtejshme t’i drejtohet Komitetit Organizativ të Lojërave Mesdhetare Prishtina 2030 (OCMG).
“Ju lutemi, drejtojuni OCMG-së Prishtina 2030 për informata të mëtejshme”, thuhet në përgjigjen e shkurtër të ICMG-së për KosovaPress-in.
Kjo përgjigje vjen në një kohë kur e ardhmja e organizimit të Lojërave Mesdhetare në Kosovë është vënë në pikëpyetje, ndërsa për këtë çështje tashmë ka nisur edhe një përplasje e hapur ndërmjet institucioneve të vendit.
Vetëm një ditë më parë, kryeministri në detyrë, Albin Kurti, gjatë fjalimit të tij në Kuvendin e Kosovës, deklaroi se mungesa e unitetit të brendshëm po e rrezikon organizimin e Lojërave Mesdhetare.
Ai tha se bashkëpunimi me Komitetin Olimpik të Kosovës ka qenë shumë i mirë, por kritikoi raportet me Komunën e Prishtinës.
“Vazhdoj të jem optimist, por optimist i përmbajtur, sepse kush bën mirë nuk e ka të lehtë të shtyhet me dikë që bën të kundërtën. Në këtë aspekt, bashkëpunimi me Komitetin Olimpik të Kosovës ka qenë i mirë, por kjo nuk mund të thuhet edhe për Komunën e Prishtinës, prandaj jemi në këtë situatë. Do ta bëjmë më të mirën e mundshme, por do ta bëjmë me çdo kusht pa korrupsion”, deklaroi Kurti.
Kryetari i Prishtinës, Përparim Rama, iu kundërpërgjigj Kurtit përmes një postimi në Facebook, duke ia atribuuar Qeverisë përgjegjësinë për tri çështje që, sipas tij, kanë çuar në anulimin e takimit të paraparë me përfaqësuesit e ICMG-së në Athinë.
“Kryeministër, paske provu me ia bartë Prishtinës fajin për dështimin e “Lojërave Mesdhetare” Në komunikimin e fundit, “Komiteti Ndërkombëtar i Lojërave Mesdhetare” thotë se takimi është anulu për këto arsye!
Pagesa s’është kry.
Emrat e delegacionit s’janë dërgu.
Nuk jeni përgjigjë në email-a.
Kush ka pasë me i bo këto?
Qeveria.
Qeveria.
Qeveria.
Qikaq e thjeshtë është!”, ka shkruar Rama.
Përplasja ndërmjet Kurtit dhe Ramës vjen pas një varg paralajmërimesh për gjendjen e përgatitjeve, përfshirë shqetësimet e mëhershme të ICMG-së për obligimet financiare dhe administrative të papërmbushura nga pala kosovare.
Në letrën e 15 tetorit, ICMG-ja kishte paralajmëruar për rreziqet serioze që po i kanoseshin përgatitjes dhe organizimit të Lojërave, duke përmendur, ndër të tjera, mungesën e garancisë bankare ose të sigurimit, pagesat e papërfunduara dhe mungesën e përgjigjeve ndaj komunikimeve të mëhershme.
Ndërkohë, më 19 dhjetor, Komiteti Ekzekutiv i ICMG-së pritet ta shqyrtojë situatën dhe propozimin për thirrjen e një Asambleje të Jashtëzakonshme, e cila do të trajtojë të ardhmen e organizimit të Lojërave Mesdhetare Prishtina 2030.
Lojërat Mesdhetare Prishtina 2030 janë paraparë të mbahen nga 24 korriku deri më 4 gusht 2030. Kosova e fitoi të drejtën e organizimit në shtator të vitit 2023, ndërsa organizimi i tyre parasheh përfshirjen e disa komunave të Kosovës dhe Durrësit në Shqipëri.
Përgjigjja e ICMG-së për KosovaPress-in nuk sqaron nëse organizimi mund të shpëtohet, duke e lënë të hapur çështjen se cili do të jetë qëndrimi i Komitetit Organizativ dhe çfarë hapash do të ndërmerren në javët e ardhshme.

T� tjera
-
Prizren: Nëna me fëmijën largohen nga shtëpia, policia nis kërkimin e tyre
Policia e Kosovës ka bërë me dije se të enjten rreth orës 13:00, është raport...
-
Disa raste të dhun*ës fizike dhe psikike në Kosovë, viktima edhe gratë edhe burrat
Disa raste të dhunës fizike dhe psikike janë raportuar në vende të ndryshme t...
-
Dita e tretë e qëndrimit në Kosovë: Jakup Krasniqi arrin tek familja, nën masa të shtuara sigurie
Jakup Krasniqi po vazhdon qëndrimin e tij në Kosovë, edhe pse nuk po lihet gj...
-
Graçanicë: Arrestohet i dyshuari për dhun*im
Policia e Kosovës ka arrestuar të enjten (19 nëntor) një person të dyshuar pë...
-
Krimet Ekonomike intervistojnë drejtorin e Inspektoratit në Prishtinë, dyshohet për keqpërdorim të detyrës zyrtare
Hetuesit e krimeve ekonomike kanë intervistuar dje drejtorin e Inspektoratit ...
-
U dënua me 18 vjet burgim, rasti u kthye në rigjykim – Endrit Nika sot përballet sërish me akuzën për vra*sje të rëndë
Në Gjykatën Themelore në Prishtinë, sot, më 20 nëntor, pritet të vazhdojë rig...
-
Sot u jepet lamtumira e fundit dy të rinjve nga Rahoveci që humbën jetën në Gjermani
Dy të rinjve nga Rahoveci, Leart Morina dhe Berhan Zeka, të cilët humbën jetë...
-
Rasti i Arlinda Zekajt, Komisioni Hetimor interviston sot 3 zyrtarë institucionalë
Komisioni Hetimor Parlamentar për veprimet dhe mosveprimet institucionale lid...
-
Kuvendi miratoi në parim buxhetin prej 4.27 miliardë eurosh për vitin 2027
Kuvendi i Kosovës ka miratuar në parim Projektbuxhetin për vitin 2027, në vle...
-
Alarm për dronë në aeroportin e Xhenovas në Itali, mbyllet për dy orë
Një alarm për dron u lëshua në Aeroportin e Xhenovës mbrëmjen e djeshme, duke...
-
Erërat e forta përfshinë Kosovën mbrëmë, këto janë komunat më të prekura nga dëmet dhe ndërprerjet e rrymës
Erërat e fuqishme që përfshinë Kosovën gjatë mbrëmjes së së enjtes shkaktuan ...
-
Ymeri-Kurtit: Je me mentalitet të vjetër, ki me ra shumë shpejt
Deputetja e LDK-së, Janina Ymeri, i është drejtuar kryeministrit Albin Kurti ...



























