Fokus

LAJMI I FUNDIT: Specialja konfirmon për Infokus vizitën e Jakup Krasniqit në Kosovë

Autori: Gazeta inFokus 11:36 | 18 November 2026

Gazeta Infokus pak më parë raportoi se Jakup Krasniqi është nisur nga Haga në Kosovë për arsye të gjendjes së rënduar shëndetësore të bashkëshortes, Sevdije Krasniqi, shkruan Gazeta Infokus.

Ardhjen e Krasniqit në Kosovë ështC konfirmuar për Infokus edhe nga Dhomat e Specializuara të Kosovës.

Në përgjigjen e tyre për Gazetën Infokus, Dhomat e Specializuara kanë bërë të ditur se Trupi Gjykues ka udhëzuar Zyrën Administrative që të organizojë një vizitë të Krasniqit në Kosovë, nën masa sigurie dhe mbikëqyrje.

-Advertisement-

“Për shkak të arsyeve të forta humanitare, Trupi Gjykues ka udhëzuar Zyrën Administrative që të organizojë një vizitë të Jakup Krasniqit në Kosovë, nën mbikëqyrje gjatë qëndrimit të tij”, thuhet në përgjigjen e Dhomave të Specializuara për Infokus.

Sipas tyre, kjo është vizita e 15-të e këtij lloji që u është lejuar të paraburgosurve për arsye humanitare, me urdhër të gjyqtarëve të Dhomave të Specializuara.

“Kjo është vizita e 15-të e këtij lloji e një të paraburgosuri në Kosovë, e urdhëruar nga gjyqtarët e Dhomave të Specializuara për arsye humanitare dhe e organizuar nga gjykata deri më tani. Vizita të tilla të të paraburgosurve, nën mbikëqyrje, lejohen në bazë të Rregullës 56 të Rregullores së Procedurës dhe të Provave të Dhomave të Specializuara të Kosovës, e cila është miratuar nga gjyqtarët dhe mbështetet në të drejtën ndërkombëtare për të drejtat e njeriut, përfshirë nenin 5 të Konventës Evropiane për të Drejtat e Njeriut dhe Rregullat Standarde Minimale të Kombeve të Bashkuara për Trajtimin e të Burgosurve. ”, thuhet më tej në përgjigje.

Nga Specialja kanë sqaruar se vizitat e tilla lejohen në bazë të Rregullës 56 të Rregullores së Procedurës dhe Provave të Dhomave të Specializuara.

Kjo rregullore, sipas tyre, mbështetet në standardet ndërkombëtare për të drejtat e njeriut, përfshirë nenin 5 të Konventës Evropiane për të Drejtat e Njeriut dhe Rregullat Standarde Minimale të Kombeve të Bashkuara për Trajtimin e të Burgosurve.

Dhomat e Specializuara kanë theksuar se, kur një i paraburgosur paraqet kërkesë për një vizitë të tillë, gjyqtarët vlerësojnë të gjitha rrethanat në momentin e paraqitjes së kërkesës.

“Kur një i paraburgosur paraqet një kërkesë të kësaj natyre, gjyqtari ose gjyqtarët që trajtojnë çështjen vlerësojnë të gjitha rrethanat ekzistuese në momentin e paraqitjes së kërkesës, me urgjencën dhe dhembshurinë që kërkojnë situata të tilla. Ata marrin vendimin duke u bazuar në kuadrin ligjor të Dhomave të Specializuara të Kosovës dhe në standardet ndërkombëtare për të drejtat e njeriut”, thuhet në përgjigje.

Ndryshe Jakup Krasniqi tashmë ka arritur në Kosovë ku pjesëtarë të shumtë të EULEX-it dhe të Policisë së Kosovës tashmë janë vendosur në afërsi të shtëpisë të Jakup Kransiqit. /Gazeta Infokus/

Jakup Krasniqi niset për Kosovë, kjo është arsyeja

Bletaria Haxhia – Tradita familjare dhe përkushtimi ndaj bletarisë sjellin mjaltë natyral e cilësor në tryezat tuaja
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy