Lajme

Ekskluzive: “Luftëtari” i Adem Jasharit thotë se pak persona i ndihmuan komandantit legjendar

Autori: Gazeta inFokus 19:41 | 28 November 2018

78 vjeçari Sadik Halili ka rrëfyer në një intervistë për Gazetën inFokus, se si kishte udhëtuar nga fshati Dubovc i Vushtrrisë për në Prekaz, për t’i ndihmuar familjes së Adem Jasharit, në marsin e vitit 1998.

Halili në këtë intervistë ka treguar se të paktë kanë qenë ata që i kanë ndihmuar komandantit legjendar Adem Jashari në atë kohë.

Plaku nga Dubovci thotë se krejt ato që thuhen janë vetëm fjalë.

-Advertisement-

“Jo shumë pak, nuk ju kanë ndihmu. Veç fjalë janë ato se nuk ju kanë ndihmu. I ka ndihmu daja i vet i Llaushës dhe i kanë ndihmu Luboveci, disa të ngat të tij shumë pak dhe unë me vëlla kemi qenë prej Dubovcit”, ka thënë ai.

Në intervistën e tij të parë për media, Halili tregon se si vetëm me një automatik e me një pushkë, shkuan t’i ndihmojnë familjes Jashari.

Rrugës ai thotë se kishin takuar edhe shumë burra të tjerë, por të cilët nuk kanë shkuar t’u ndihmojnë atyre.

Pjesë e rrëfimit të tij, është edhe koha kur atij iu vra vëllau nga forcat serbe, kurse vet kishte mbetur i plagosur rëndë.

Nga vendi ku kishte mbetur i plagosur, Halili rrëfen se si i kishte dëgjuar britmat e fëmijëve nga kullat e Jasharajve. /Gazeta inFokus

Ndiqeni rrëfimin e plotë të tij:

Subscribe në YouTube: GAZETA INFOKUSI
Etiketa:
Vetëm edhe 4 ditë nga Bootcamp me Alan Greenberg, ish-Drejtorin për Edukim në Apple, Apliko Tani
-Advertisement-

Të tjera

Fokusi

lajme