Deputetët kërkojnë rritje të taksës ndaj Serbisë në 25 për qind
Autori: Gazeta inFokus 14:40 | 20 November 2018
Deputeti i Partisë Demokratike të Kosovës Memli Krasniqi, ka kërkuar që taksa prej 10 për qind ndaj produkteve të Serbisë të rritet në 25 për qind.
Sipas Krasniqi një masë e tillë duhet të vijë si kundërpërgjigje ndaj Serbisë për lobimin kundër Kosovës, dhe duhet të pengojë dominimin e produkteve të Serbisë në tregun kosovar.
“Ta rrisni taksën, ne nuk mundemi realisht të rrimë duar kryq kundër kësaj sjellje absolutisht armiqësore të Serbisë në kuptimin e luftimit të Kosovës në çdo hap, në arenën ndërkombëtare dhe mendoj që ne duhet të ndërmarrim veprime konkrete në kuadër të së paku besoj që së paku taksa prej 10 për qind duhet të rritet në 25 për qind, nëse jo edhe më shumë. Ma merr mendja se më nuk kemi hapësirë për të shprehur njëfarë lloj mirëkuptimi për këtë çështje, kështu që mendoj që është urgjente dhe ndoshta do të ishte shumë mirë që ndërlidhet me dikasterin tuaj, padyshim është vendim i Qeverisë, por që do të duhej që ndoshta të diskutohet kjo çështje”, u shpreh Krasniqi.
Këtë kërkesë Krasniqi e bëri sot gjatë raportimit të ministrit të Tregtisë dhe Industrisë, Endrit Shala në Komisionin për Zhvillim Ekonomik, Infrastrukturë, Tregti, Industri dhe Zhvillim Rajonal.
Me kërkesën e deputetit të PDK-së u pajtua edhe kryetarja e këtij komisioni, Sala Berisha Shala.
“Angazhimi duhet të jetë i shumë anshëm në mënyrë që Kosova ta ketë një rrethanë pak më ndryshe, me një ambient krejt tjetër dhe të mos na e diktoj politika e Serbisë, edhe politikën e brendshme të sjelljes tonë këtu brenda çoftë tregtarëve, çoftë edhe të tjerëve”, ka shtuar ajo.
Lidhur me masën prej 10 për qind ndaj importit të produkteve të Serbisë dhe Bosnje e Hercegovinës, ministri Shala u shpreh se Kosova do të fillojë me masën e reciprocitetit ndaj produkteve serbe.
Ai tutje tha se ka dhënë urdhëresë që inspektorati t’i njoftoj operatorët ekonomik se të gjitha produktet që vijnë nga Serbia dhe Bosnja që në etiken e deklaracionit të tyre u shkruan “Kosova Metohija”, të largohen nga tregu. Urdhëresë të tillë ai tha se ka lëshuar edhe për Doganën e Kosovës.
“Edhe dje e kam urdhëruar inspektoratin që t’i njoftojë operatorët ekonomik që të gjitha ato produkte të cilat, apo në të cilat është e shkruar një emërtim tjetër për shtetin tonë i cili është në kundërshtim me Kushtetutën e Republikës së Kosovës të largohet nga tregu, atë kanë filluar të largohen, dhe njëkohësisht kam kërkuar nga Doganat e Republikës së Kosovës që mos të lejohet të hy asnjë mall në Kosovë e posaçërisht me fokus nga Serbia dhe Bosnja për arsye se këto dy shtete po tentojnë ta minojnë në çdo hap qenien e shtetit të Kosovës, i cili do të thotë nuk i ka të përcaktuar edhe nuk e ka të shkruar në etiketën e deklaracionit e mallit të vetë emrin e Kosovës ashtu siç duhet”, u shpreh ai.
Sot Kosova dështoi të anëtarësohet në INTERPOL, duke mos marrë votat e nevojshme as me dy raunde votimi. Shteti serb vazhdimisht ka lobuar kundër anëtarësimit të Kosovës në këtë organizatë të bashkëpunimit policor, dhe forcimit të legjitimitetit ndërkombëtar të Kosovës.
Të tjera
-
Knaus: Disa shtete, përfshirë Francën e Gjermaninë, po përgatiten ta bllokojnë anëtarësimin e Kosovës në KiE
Kreu i Institutit ESI, Gerald Knaus, ka thënë se janë disa shtete anëtare të ...
-
Rezoluta për Srebrenicën, pro dhe kundër
Ata që respektojnë vendimet e gjykatës mbështesin Rezolutën për Srebrenicën, ...
-
Prej një dekade Kosova nuk po arrin ta funksionalizoj Sistemin Informativ Shëndetësor
Ani pse ka kaluar një dekadë prej kur kishte filluar provimi i zbatimit të Si...
-
Reshjet e shiut, Policia e Kosovës me apel për qytetarët
Përmes një postimi në faqen zyrtare në rrjetin social, Facebook, Policia ka a...
-
Vrἀsje në tentativë në Ferizaj: Gjashtë muaj në vonë Policia arreston katër persona
Më 17 tetor të vitit 2023, pas mesnatës në Ferizaj, kishte ndodhur një gjuajt...
-
Zgjedhjet në Maqedoni të Veriut, garë e “nxehtë” te shqiptarët
Partive politike dhe kandidatëve për president u kanë mbetur edhe tri ditë pë...
-
Arrestohet shoferi i autobusit në Vërmicë, i ofroi policit ryshfet pesë euro
Policia e Kosovës e ka arrestuar një shofer të autobusit, shtetas i Maqedonis...
-
Kritikat ndaj Prokurorisë Speciale, Kurti merr kundërpërgjigje nga një prokuror
Udhëheqësi i Departamentit për krime lufte në Prokurorinë Speciale, Ilir Mori...
-
Ferizaj: Në e mitur largohet nga shtëpia, Policia nis hetimin e rastit
Policia e Kosovës ka njoftuar se është zhdukur një vajzë e mitur në Ferizaj. ...
-
Vdẻs një grua në repartin e gjinekologjisë në Prizren, Policia nis hetimet
Një grua ka vdekur dje në repartin e Gjinekologjisë në Spitalin Rajonal të Pr...
-
Dy persona tentuan ta djẻgin me benzinë një shkollë në Prishtinë
Të premten në Prishtinë, dy persona të maskuar kanë tentuar të hedhin lëndë d...
-
Parashikimi i motit për sot
Moti sot fillimisht parashihet të jetë kryesisht i vranët dhe me reshje shiu ...