Lajme

Hoti: Pas deklaratës së kancelares Merkel pres të ndalen idetë për ndryshim kufijsh

Autori: Gazeta inFokus 11:43 | 15 Gusht 2018

Shefi i Grupit parlamentar i Lidhjes Demokratike të Kosovës, Avdullah Hoti e ka mirëpritur deklaratën e qartë të kancelares gjermane, Angela Merkel, e cila është deklaruar kundër ndryshimit të kufijve në Ballkan.

Hoti në një postim në rrjetin social Facebook shprehet se pret që pas deklaratës së kancelares Merkel dhe të disa qeverive të tjera, të ndalen personat në Kosovë e Serbi që po e promovojnë këtë ide.

Sipas tij, idetë e tilla po bëhen për hesape personale, ndërsa kjo ka futur në qorrsokak diplomacinë e Kosovës dhe ka stopuar njohjet e reja.

-Advertisement-

Lexoni të plotë postimin e Hotit në Facebook:

“E kam mirëpritur deklarimin e qartë të Kancelares Merkel kundër ndryshimit të kufijve. Pres që pas këtij deklarimi, si dhe të deklarimeve të disa qeverive të tjera, të ndalen personat në Kosovë e Serbi që po promovojnë këtë ide, të cilat padyshim se po e bëjnë në mënyrë të koordinuar.

Në dhjetë vjetorin e pavarësisë së Kosovës, kjo ide e ka nxjerrë në pah pasigurinë politike të krejt Ballkanit Perëndimor. Kjo padyshim se do të shtyjë proceset euro integruese të rajonit, por do të ndikojë edhe në përkeqësimin e gjendjes ekonomike dhe sociale, duke e rënduar jetën e qytetarëve.

E mira është se në Kosovë tanimë është krijuar masa kritike e spektrit politik për te mos lejuar eksperimente të tilla që po bëhen për hesape personale.

Megjithatë, ajo që tanimë ka ndodhur është dërgimi i sinjaleve të paqarta tek miqtë tanë dhe tek shtetet që ende nuk na kanë njohur lidhur me atë se çfarë duan qytetarët e Kosovës. Kjo e ka futur në qorrsokak diplomacinë tonë dhe atë të vendeve mike, që ka rezultuar me stopim të plotë të integrimit të Kosovës në mekanizma ndërkombëtar ku ka qenë e mundshme, si dhe ka stopuar plotësisht njohjet e reja.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy