Mund të mendoni se çelësi për një jetë më të gjatë është ushqimi i shëndetshëm, ushtrimet e rregullta fizike dhe kujdesi për shëndetin fizik e mendor.

Por, siç duket edhe pastrimi i duarve dhe dhëmbëve mund të jenë gjëra esenciale për një jetë më të gjatë, transmeton Telegrafi.

Të paktën kështu thotë David Hockney.

Në një letër dërguar Financial Times, artisti ka thënë se ai beson që njerëzit mund të jetojnë më gjatë falë higjienës së mirë.

“Vite më parë më ka thënë një doktor se ajo çfarë po i bën njerëzit të jetojnë më gjatë është pastrimi i duarve dhe dhëmbëve. Unë besoj shumë në këtë. Jam duhanpirës edhe në moshën 81-vjeçare, por ende i pastroj dhëmbët dhe duart rregullisht”, ka shkruar ai.

Ndonëse mund t’ju duket e çuditshme se praktikimi i këtyre gjërave të thjeshta mund të kontribuojnë në parandalimin e vdekjes së parakohshme, e posaçërisht kur jeni duhanpirës, duket se faktikisht ka pak shkencë prapa këtyre deklaratave.

Në fakt, shumë studimet janë kryer të cilat e kanë ndërlidhur rënien e dhëmbëve me një rrezik të shtuar të vdekjes në moshë më të re.

Një studim i tillë me më shumë se 57,000 gra ka treguar se ato të cilat nuk kishin pasur dhëmbë kishin qenë më të rrezikuara nga sëmundjet e zemrës.

Hulumtuesit besojnë se është e mundur që bakteret e dhëmbëve mund të shkaktojnë inflamacion në artere, e gjithashtu edhe infeksion.

Një tjetër studim i tillë me 600 persona të moshës 70-vjeçare kishte treguar se ata me 20 dhëmbë ose më shumë kishin pasur një shkallë të vdekshmërisë prej 2.5%, ndërkaq ata me më pak se 19 kishin pasur një shkallë të vdekshmërisë prej 6.1% – shifër e cila është më shumë se dyfish më e lartë.

Këtë e kanë vërtetuar edhe shkencëtarët londinezë, të cilët thonë se shëndeti i mirë oral nuk është fitimprurës vetëm për gojën e njeriut, por edhe ndikon në zvogëlimin e rrezikut të sëmundjeve të zemrës dhe sulmeve të trurit.

Por, çfarë sa i përket larjes së duarve?

Sipas CDC, pastrimi i duarve rregullisht dhe tërësisht ndihmon në parandalimin e sëmundjeve dhe shpërndarjes së infeksioneve.

Pastrimi i duarve mund ta zvogëlojë numrin e njerëzve që sëmuren me diarre për 31%, mund ta zvogëlojnë sëmundjen diarreorale te personat me sistem të dobët të imunitetit për 58% dhe ndihmojnë në zvogëlimin e sëmundjeve respiratore.

Edhe NHS pajtohet se pastrimi i duarve është mënyrë vitale për parandalimin e shpërndarjes së sëmundjeve.

Nis bashkëpunimi serioz dhe strategjik midis Comodita dhe JYSK International

Sponsoruar