Kosova shumë shpejt do të humb “primatin” e posedimit të veturave Golf 2.

Madje ajo nuk do të njihet më as për vetura të tjera të vjetra sepse të gjitha që janë prodhuar mbi 10 vite do të mbesin pakicë.

E këto ndryshime u bënë nga 1 janari i 2018-ës kur edhe hyri  në fuqi  ligji që ndalon importin e vetura më të vjetra se 10 vite dhe që nuk plotësojnë standardin “EURO 4” për normat e shkarkimeve në ajër, kufizim ky i përcaktuar me ligjin për automjete, shkruan GazetaFokus.

Sipas të dhënëve të doganës së Kosovës  është rritur numri i veturave të reja që Kosova ka importuar. Sipas këtyre të dhënave në pesë muajt e parë të këtij viti janar-maj  janë importuar 350 automjete të reja më shumë sesa periudhën e njëjtë e vitit te kaluar.

“Sa i përket te rejave kemi rritje 350 copë automjete apo për 30 % sepse vitin e kaluar kishim 1100 cope te importuar kurse ketë viti kemi 1450 cope.”, ka thënë zëdhënësi i Doganës, Adriatik Stavileci për Gazetën Fokus.

Por sipas të dhënave nga dogana ka rënë importi i përgjithshëm i veturave për rreth 35%.

“Gjatë këtij viti importi deri në fund të muajit maj është 6794 automjete që paraqet rënie me vitin e kaluar me rreth 35% pasi vitin e kaluar kishim import prej 10853 automjete për periudhën e njëjte”, ka thënë Stavileci.

E vlera e veturave të importuara gjatë katër muajve të parë të këtij viti është mbi 52 milionë.

Kështu për doganë, akcizë e TVSH, kosovarët kanë paguan mbi 15 milionë euro.

Fundi i vitit 2017 shënoj rekord në importin e veturave në Kosovë. Mesatarisht brenda një dite importoheshin rreth 100 vetura.

Gazeta Fokus në dhjetor te vitit të kaluar kishte raportuar për vlerën e veturave të importuara në Kosovë.

Lexo edhe:  Kosova e varfër me mbi 1.4 miliardë euro vetura

Sipas këtyre të dhënave nga janari i 2009-ës deri në dhjetor të 2018-ës janë zhdoganuar 182.842 vetura vlera e të cilave kalon shifrën prej 1 miliardë euro ose saktësisht 1.4 miliardë euro.

Vlera që kanë paguar qytetarët në emër të taksës doganore është 90,6 milionë euro, në emër të Akcizës kanë paguar 126.9 milion euro dhe TVSH për këto vetura të importuara qytetarët kanë paguar hiq me pak se 196,5 milionë euro.

Zëdhënësi i Doganave të Kosovës, Adriatik Stavileci pati thënë për Gazetën Fokus së statistikat nga viti 2019 tregojnë se ka një import mesatar vjetor prej 20 mijë automjetesh në vit, derisa ky vit ka rritur një rekord në importin e automjeteve ku ka kaluar shifrën prej 30 mijë.

“Kjo rritje e importit të veturave këtë vit ka ndodhur për arsye se nga 1 janari 2018 nuk do të mund të zhdoganohen automjetet më të vjetra se 10 vite”, ka thënë për GazetënFokus zëdhënësi i Doganave të Kosovës, Adriatik Stavileci.

Importi i veturave të vjetra u konsiderua si njëri nga shkaktarët kryesorë të ndotjes së ajrit në Kosovë. E kjo pasi në vitin 2015, në bazë të një udhëzimi administrativ të Qeverisë së Kosovës ishin hequr kufizimet për importin e veturave, por kërkohej që ato t’i përmbushnin kërkesat mjedisore për emetim të gazrave, sipas standardeve të Bashkimit Evropian.

Por në janar të 2018-ës filloj aplikimi i ligjit për që ndalon importin e vetura më të vjetra se 10 vite dhe që nuk plotësojnë standardin EURO 4 për normat e shkarkimeve në ajër, kufizim ky i përcaktuar me ligjin për automjete.

Sipas të dhënave të Agjencisë së Statistikave të Kosovës (ASK) në vitin 2017 në Kosovë janë regjistruara 334,440 mjete motorike dhe jomotorike, ku prej tyre 18,559 janë vetura nën 3.5 ton, ose 4.64 për qind më shumë sesa në vitin 2016, në këtë vit ishin regjistruar 260,291 vetura.(Agnesa Çitaku)/GazetaFokus

Për Festën e Bajramit, ZBRITJE deri n’KUPË t’QIELLIT!

Sponsoruar