Lajme

Vitia-Ahmetit: I ndërrove fjalët, na ke premtuar pesë drejtori

Autori: Gazeta inFokus 20:39 | 05 June 2018

Kryetari i Lëvizjes Vetëvendosje në Prishtinë, Arben Vitia ka theksuar se oferta e Partisë Socialdemokrate (PSD), e publikuar në media nuk është ajo që e kanë marrë në takimin e fundit me kryetarin e Prishtinës, Shpend Ahmeti.

Vitia, në një prononcim për Telegrafin, ka thënë se si pjesë e ekipit negociues të VV-së, në takimin e zhvilluar në maj me Ahmetin, ky i fundit kishte thënë se do t’ia ofrojnë VV-së pesë drejtori, si mundësi për të negociuar edhe mundësinë për dhënien e drejtorisë së gjashtë.

“Ne në kryesi të lëvizjës e kemi prezentuar këtë ofertë dhe kemi pritur që të na lajmërojë Ahmeti, por nuk ka ndodhur deri më tani, ndonëse ne kemi insituar për përgjigje”, ka shtuar Vitia.

-Advertisement-

Sipas tij, oferta e re nuk është si e mëparshmja “dhe kemi vërejtur një mosgatishmëri për bashkëpunim, përderisa ka këso ndryshime të fjalëve”.

Lexo edhe: Shpend Ahmeti i ofron katër drejtori Vetëvendosjes

Ndryshe, kryetari i PSD-së, Shpend Ahmeti ka vendosur që t’i dorëzoj ofertën finale ish-subjektit të tij politik Vetëvendosjes për bashkëqeverisje në Prishtinë.

Në ofertën të cilën e ka siguruar Telegrafi, Ahmeti i ofron VV-së katër drejtori, duke i ofruar mundësinë e zgjedhjes së drejtorisë së katërt në mes të Drejtorisë së Shërbimeve Publike ose Drejtorisë së Administratës, të cilën e udhëheq drejtori Muhedin Nushi.

Në rast të arritjes së marrëveshjes në mes PSD-së dhe VV-së për bashkëqeverisje atëherë ndarja e drejtorive në Komunën e Prishtinës do të jetë si vijon: ” PSD – 3 drejtori, AKR – 3 drejtori, AAK – 3 drejtori, LB – 1 drejtori, Alternativa – 1 drejtori dhe VV – 4 drejtori”.

Subscribe në YouTube: GAZETA INFOKUSI
Etiketa:
BKT Kosova nderohet me tre Çmime prestigjioze për qëndrueshmëri
-Advertisement-

Të tjera

Fokusi

lajme