Procesi i rastit të të ashtuquajturit “Grupi i Kumanovës” është zvarritur qëkur u dënuan 33 persona, në nëntor të vitit 2017.

Vetëm përkthimi i aktgjykimit ishte vonuar 6 muaj. Por, me të pranuar atë, pala mbrojëse e të dënuarve kanë nisur ankesën për në Gjykatë të Apelit.

 

-Advertisement-

 

Avokati që i përfaqëson 12 të dënuar të “Grupit të Kumanovës”, Naser Raufi ka thënë për Indeksonline se Apeli ka kohë të vendosë për seancë tek në muajin shtator apo tetor.

“Ne ankesat i kemi dhënë në afat, diku në muajin mars. Me përkthimin kishim vonesë të madhe diku 6 muaj, por po presim që këto ditë lënda të shkojë në Gjykatë të Apelit. Apeli nuk ka shancë para vjeshtës ta japi seancën e parë, edhe atje duhet të shikohet lënda se është e madhe. Diku nga muaji i nëntë apo i dhjetë mund të mbahet seanca”, ka deklaruar ai.

Raufi ka sqaruar se të dënuarit mund të transferohen në burgje me kushte më të mira. Por, kjo mund të ndodhë nga muaji gusht. Ndërsa, sa i përket nisjes së hetimit ndërkombëtarë, ai ka thënë se kanë përkrahje dhe se presin që kjo të ndodhë brenda këtij viti.

“Nga ata 12 vetë që i përfaqësoj, nuk kam asnkesë, por kemi kërkuar që të transferohen nëpër burgje ku janë kushtet më të volitshme, ama gjykatësi ka lejuar të bëhet ky transfer, ama pritet prej sigurimit që ta lejojnë sepse janë grup më sensitiv dhe para gushtit mund të rregullohen ato. Kemi kontakte me Ministrinë e Drejtësisë, kemi përkrahje dhe presim që do të formohet ndonjë trup për nisjen e hetimit ndërkombëtarë brenda vitit ku do të ketë edhe prej Shqipërisë edhe prej Kosovës, Gjermanisë”, ka thënë Raufi për Indeksonline.

Ndryshe, 7 pjesëtarëve të “Grupit të Kumanovës” iu ishte shqiptuar burg i përjetshëm, të tjerëve gjithsej 746 vjet burg, ndërsa vetëm katër prej tyre u liruan nga aktakuza.

Prej të dënuarve 16 janë shtetas të Republikës së Kosovës, një është shtetas i Republikës së Shqipërisë, një është shtetas gjerman dhe të tjerët janë shqiptarë nga Maqedonia.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-