Lajme

Beteja që çau kufirin shqiptaro-shqiptar, dëshmia e fotoreporterit (Video)

Autori: Gazeta inFokus 22:52 | 09 Prill 2018

Betaja e 9 prillit të vitit 1999, është dita kur Ushtria Çlirimtare e Kosovës shënoi një fitore të madhe kundër ushtrisë së Milosheviqit. Kjo është një nga betejat me të dokumentuara të asaj kohe kundër ushtrisë serbe, në atë që njihet si Beteja e Koshares.

Menjëherë pas largimit të ushtarakëve serbë nga kufiri me Shqipërinë, një grup gazetarësh shkuan në zonën e çliruar, mes tyre ishte edhe fotoreporteri i LSA-së, Gent Shkullaku, i cili tregon për Top Channel emocionet dhe ndjesitë e para.

“Ishte një emocion i veçantë. Në atë zonë të parë të çliruar që mund të quhet edhe si ishulli i parë që u mor në dorëzim nga UÇK, mund të ndjeje aromën e vërtetë të luftës. Jo më larg se 7-8 kilometra nga Koshara, luftohej në llogore, ku forcat serbe tentonin vazhdimisht të rimerrnin nën kontroll zonën”, kujton ai.

-Advertisement-

Ai regjistroi foto nga fushëbeteja e Koshares, foto që tashmë dokumentojnë një nga ngjarjet historike të shënuara në luftën për çlirimin e Kosovës.

Sot 19 vjet pas kësaj beteje, Shkullaku vazhdon të jetë i bindur se suksesi i betejës së Koshares, më shumë se nga përgatitja e anëtarëve të UÇK, erdhi për shkak të dëshirës që kishin ata për ta parë vendin e tyre të lirë.

“Unë pata shansin që luftëtarët e UÇK t’i takoja qëkur vinin në Rinas dhe shikoje që ishin të rinj, të panjohur me luftën dhe që kishin jetuar jashtë vendit. Por, dëshira e tyre për ta parë të lirë vendin e tyre bëri që të arrinin këto rezultate”, thotë Gent Shkullaku.

Beteja e Koshares i hapi rrugën më pas shtimit të shpejtë të radhëve të UÇK, duke rritur besimin në çlirimin e Kosovës, si dhe krijoi një zonë të sigurt për ndihmat nga jashtë.

Beteja e Koshares e 9 prillit të viti 1999, njohur ndryshe edhe si beteja që çau kufirin shqiptaro-shqiptar shënoi një pikë kthese mjaft të rëndësishme në luftën e UÇK kundër regjimit serb.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy