Ekonomi

Sportistët e Ministrisë së Bujqësisë

Autori: Gazeta inFokus 11:10 | 08 March 2018

Punëtorët e Ministrisë së Bujqësisë duket se i kanë rregulluar të gjitha punët në Ministri. Tani u ka mbetur vetëm që të merren edhe me sport, shkruan Infokusi.com.

Ministria e Bujqësisë, Pylltarisë dhe Zhvillimit Rural, në krye me Nenad Rikalon ka shpallur tender afro 1 mijë euro për përzgjedhjen e një salle për aktivitete sportive për zyrtarët e MBPZHR-së. Para që do të merren nga Buxheti i Konsoliduar i Kosovës.

Kështu ka bërë të ditur vetë kjo Ministri përmes njoftimin për nënshkrim të kontratës që ka publikuar në faqen zyrtare të Komisionit Rregullativ të Prokurimit Publik, shkruan Infokusi.

-Advertisement-

Sa herë që këta zyrtarë do të shkojnë për aktivitete sportive në këtë sallë do të paguajnë 25 euro.

Në njoftimin e publikuar në KRPP, thuhet se për këtë tender kishin shfaqur interesim tri kompani. Por, fituese e tenderit është shpallur “Fusha Sportive Learti”.

Kontrata është nënshkruar më 28 shkurt 2018./Infokusi