Ekonomi

Rritja ekonomike, Kosova “shkelë” Serbinë

Autori: Gazeta inFokus 10:48 | 07 March 2018

Presidenti i Qendrës për Ekonomi në Serbi, Aleksandar Vlahoviq ka thënë që është e mundur se ekonomia e Serbisë do të rritet për 3.5 për qind ose edhe më shumë këtë vit.

Ai ka bërë të ditur se borxhi publik i Serbisë është afër 60 për qind e GDP-së, duke shtuar se pozita ekonomike dhe fiskale e Serbisë është e mirë, dhe se ka bazë për politika ekonomike të zhvillimit.

Ndër tjerash ai ka theksuar se Serbia do të vazhdojë me privatizimin e kompanive të mëdha, dhe se kjo gjë duhet të jetë në qendër, duke mos lënë anash as investimet apo politikat që sigurojnë një stabilitet makro-fiskal.

-Advertisement-

Rritja ekonomike e Serbisë më shumë se 4 për qind në vitin 2019, sipas Vlahoviq, mund të jetë reale vetëm nëse Serbia përjeton një valë të madhe investimesh.

Ndërsa drejtuesit e institucioneve ne Kosove presin që për vitin 2018 rritja ekonomike të jetë rreth 5 %. Kurse të hyrat parashihen të jenë 1 miliardë e 829 milionë euro.

Rritje të përafërt ekonomike për Kosovën kanë paraparë edhe institucione financiare ndërkombëtare./INFOKUSI

Subscribe në YouTube: GAZETA INFOKUSI
Etiketa:
Super Zbritje në Artmotion
-Advertisement-

Të tjera

Fokusi

ekonomi