Pas pak orësh pritet arrestimi edhe i dy policëve të Kosovës në veri të vendit në lidhje me vrasjen e Oliver Ivanoviqit.

Infokusi merr vesh nga burime brenda policisë se gjatë ditës do të vazhdoi aksioni i nisur një ditë më parë për kapjen e të dyshuarve që janë përfshirë në këtë vrasje ku u arrestuan dy policë të tjerë.

Nën dyshimin për manipulim të provave dhe mënyrën se si është ruajtur vendi i ngjarjes pas incidentit, të shtunën u arrestuan dy policë, ndërsa aksioni do të vazhdoi edhe të dielën.

-Advertisement-

Burime të Infokusit kanë konfirmuar se katër policë të dyshuar janë ish-pjesëtarë të mbrojtjes civile të angazhuar në Policinë e Kosovës në bazë të marrëveshjes së arritur mes Kosovës dhe Serbisë në Bruksel për shuarjen e strukturave paralele.

Politikani serb, njëherësh kryetari i Nismës Qytetare “Liri, Demokraci, Drejtësi” Oliver Ivanoviq u vra në Mitrovicën Veriore më 16 janar. Ai u varros një ditë më pas në Beograd.

Serbia ka kërkuar përfshirje në hetimin për vrasjen e Ivanoviqit, ndërsa dy shtetet në mënyrë të tërthortë janë duke shkëmbyer informata për këtë vrasje.

Ndërsa tek të shtunën Inspektorati Policor i Kosovës (IPK) ka arrestuar dy polic të dyshuar duke realizuar edhe dy bastisje në bashkëpunim me Policinë e Kosovës (PK) dhe në konsultim me prokurorinë kompetente.

Të njëjtëve u është caktuar masa e ndalimit për 48 orë deri në vazhdimin e procedurave të tjera gjyqësore.

IPK, në një njoftim për media, thotë se me autorizim të prokurorit dhe Gjykatës Themelore në Mitrovicë, “hetuesit e IPK-së dhe PK-së kanë realizuar urdhëresën për bastisje në Mitrovicën e Veriut me dyshimin se dy zyrtarë policorë kanë kryer veprën penale “Manipulim me prova” të paraparë me Kodin Penal të Republikës së Kosovës”.

“Sot (10.02.2018) në orët e pasdites, hetuesit e IPK-së dhe PK-së kanë zbatuar urdhëresën e lëshuar nga Gjykata Themelore në Mitrovicë dhe janë bastisur dy lokacione në Mitrovicën e Veriut si dhe është konfiskuar një revole e llojit TT si dhe dy karikatorë me nga 9 fishekë të kalibrit 7.62 mm që do shërbejnë për procedurën penale të mëtutjeshme”, thotë IPK në njoftimin për media./INFOKUSI

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-