Lajme

Tahiri: Serbia s’është e gatshme të bashkëpunoj për hetimin e krimeve të luftës

Autori: Gazeta inFokus 09:14 | 28 Janar 2018

Institucionet serbe nuk kanë treguar gatishmëri për të bashkëpunuar në zbardhjen e rasteve të krimeve të luftës në Kosovë të kryera gjatë viteve 1999-98.

Edhe përkundër kërkesave të vazhdueshme të prokurorëve vendor përgjigjet e kolegëve serb kanë qenë negative, raporton Ekonomia Online.

Ministri i Drejtësisë, Abelard Tahiri, tha se edhe përkundër përgjigje negative nga pala serbe do të vazhdojnë që të insistojnë të marrin informacione në zbardhen e vrasjes së rreth 15 mijë persona nga forcat serbe, mbi 20 mijë femra të dhunuar, e mbi 1600 persona të zhdukur.

-Advertisement-

“Prokurorët tanë kanë pasur kërkesa të vazhdueshme për individ që kanë qenë të involvuar në krimet e luftës në Kosovë”.
“Normalisht kjo çështje deri më sot botërisht që Serbia ka refuzuar të bashkëpunoj në zbardhjen e krimeve të luftës gjatë luftës 98 e 99 dhe ne nuk do të reshtemi së kërkuar për të gjithë ata individ që institucionet e Kosovës kanë fakte dhe dëshmi që janë të involvuar në krimet e luftës në republikën Kosovës”, tha ai.

Edhe 19 vjet pas luftës sjellja para bankës së të akuzuarve kryesit e këtyre veprave penale, mbetet sfidë për institucionet e sistemit të drejtësisë.
Me hetimin dhe gjykimin e krimeve të luftës të kryera në Kosovë u morën mekanizma ndërkombëtar e vendor.

Gjykata Ndërkombëtare Penale për ish-Jugosllavinë me seli në Hagë, filloi që të merret me hetimin dhe gjykimin e krimeve të luftës. Aty u gjykuan 15 persona, 9 serb e 6 shqiptarë. Kurse janë dënuar 6 serb e 2 shqiptarë.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy