Lajme

Arsyeja për të cilën ambasadorët e Britanisë së Madhe dhe Francës nuk do të shkojnë në pushime dimërore

Autori: Gazeta inFokus 17:34 | 06 January 2018

Ambasadori i Britanisë së Madhe në Kosovë, Ruairi O’Conell dhe ai francez, Didier Chabert, kanë treguar se kanë anuluar pushimet dimërore për të përcjellë zhvillimet rreth Gjykatës Speciale.

Këtë ia kanë bërë të ditur zyrtarëve të Vetëvendosjes.

Ruairí O’Connell, Ambasador i Britanisë së Madhe në Kosovë dhe Didier Chabert, Ambasador i Francës në Prishtinë, kanë anuluar pushimet dimërore.

-Advertisement-

Kanë vendosur të përcjellin zhvillimet rreth Gjykatës Speciale, e cila pritet të shkojë në Parlament për shfuqizim brenda këtij muaji.

Anulimin e pushimeve e kanë konfirmuar pas një takimi që kanë pasur me Abin Kurtin në zyrat e Vetëvendosjes.

“Të dy ambasadorët treguan që gjatë muajit janar nuk do të marrin pushime dhe do të qëndrojnë tërë kohën në Kosovë”, thuhet në njoftimin e Vetëvendosjes pa takimit me ambasadorët.

Në këtë takim, Kurti iu ka thënë ambasadorëve se zhbërja e Speciales nuk do të shkojë përmes nismës së deputetëve por përmes Qeverisë.

Ndaj kësaj reagoi Zyra e Kryeministrit Haradinaj. U kërkua që mos bëhet lojëra me Specialen për qëllime përfitimi personal e politik.Sidoqoftë, Gjykata Speciale është aprovuar në Parlament në vitin 2015.

Ishte përkrahur nga PDK, e cila tash po e përkrahë edhe zhbërjen e saj. Kundër ishin dalë VV, AAK e NISMA. Edhe LDK ishte pro kësaj Gjykate dhe edhe tash ka mbajtur të njëjtin qëndrim.

Subscribe në YouTube: GAZETA INFOKUSI