Lideri i Vetëvendosjes, Albin Kurti, ka uruar qytetarët e Kosovës për fetën e Vitit të Ri. Ka thënë se shpreson se në vitin e ardhshëm do të ketë më shumë barazi, drejtësi e solidaritet.

Por, ka thënë se gjithë këto nuk arrihen me urata, por duhet punë për t’i arritur këto objektiva.

“Të dashur miq e mbështetës, sot siç e kërkon rasti dëshiroj t’jua uroj dhe unë Vitin e Ri. Qoftë 2018 një vit me më shumë fat e mirësi për ju, kudo që jeni të angazhuar, në punë, në studime, në familje, apo në kërkimin e tyre!

-Advertisement-

Qoftë e sotmja një mbrëmje çlodhëse dhe gazmore pranë të afërmve tuaj!”, ka shkruar Kurti në urim.Kurti është liruar nga paraburgimi për Vitin e Ri ku po gjykohet se hodhi gazin lotsjellës në Parlament për të kundërshtuar demarkacionin me Malin e Zi dhe Asociacionin e Komunave me shumicë serbe.Ai ka kërkuar të punohet më shumë që vitin tjetër t’u vihet fund punëve të këqija.

“Do të kisha dashur t’ju uroja që viti i ardhshëm të ketë më pak padrejtësi për ne, më pak varfëri, më pak ndrydhje, shtypje, diskriminim e izolim. Pse jo, të kishim përparim e zhvillim, solidaritet e drejtësi, barazi e demokraci njësoj si vendet të cilat i marrim për shembull.

Mirëpo, edhe ju ashtu si unë, e dini se krejt këto nuk arrihen me urata, por me punë të pandalshme të të gjithëve ne.Puna për barazinë gjinore fillon në familje, puna për solidaritetin shoqëror dhe ekonomik fillon në lagje, puna për zhvillim institucional e demokraci fillon në qytetin ku jeton secili prej nesh.

Duhet një angazhim i pandalshëm, e jo vetëm kur ka fushatë.Sa më të mëdhaja të jenë përmasat e këtij angazhimi, aq më shpejt do të përparojë shoqëria e kombi jonë. Le të shpresojmë pra se 2018 do të jetë vit i angazhimit e i punës së mirë, që t’i vëmë më në fund fre punëve të këqija. Edhe një herë ju uroj pushim e festë të mbarë, dhe gëzuar Vitin e Ri 2018”, ka shtuar ai.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-