Lajme

Arrestohen dy persona si të dyshuar për shpërndarje të propagandë në mbështetje të grupeve terroriste

Autori: Gazeta inFokus 16:06 | 20 December 2017

Policia e Kosovës ka arrestuar sot dy persona të dyshuar pasi dyshohen të kenë shpërndarë propagandë në mbështetje të grupeve terroriste, shkruan Infokusi.com

Të dyshuarit K. P dhe B. Q janë arrestuar gjatë një operacioni të ndarë në Mitrovicë dhe në Lipjan.

Më poshtë mund të gjeni të plotë komunikatën e Policisë.

-Advertisement-

Sot me datën 20 dhjetor 2017, Drejtoria Kundër Terrorizmit në bashkëpunim me Prokurorinë Speciale të Kosovës, ka ndërmarrë një operacion në Mitrovicë dhe në Lipjan për zbatimin e urdhërkontrolleve të lëshuara nga Gjykata Themelore në Prishtinë dhe ajo në Mitrovicë.

Gjatë këtij operacioni në cilësinë e të dyshuarve janë shoqëruar në stacionin e Policisë dy (2) persona:

Personat e arrestuar nga zyrtarët policorë, dyshohet se kanë shpërndarë propagandë në mbështetje të grupeve terroriste, veprime këto të sanksionuara sipas ligjit 05/L-02 për ndalimin e bashkimit në konflikte të armatosura jashtë territorit të vendit.

Gjatë këtij operacioni në cilësinë e provave materiale janë sekuestruar disa pajisje elektronike dhe gjësende tjera, të cilat janë përdorur për kryerjen e veprës penale dhe të cilat do të analizohen në vijim.

Me urdhër të prokurorit të rastit nga Prokuroria Speciale e Kosovës ndaj të dyshuarve është shqiptuar masa e ndalimit policor prej 48 orëve.)./INFOKUSI

Subscribe në YouTube: GAZETA INFOKUSI