Lajme

Nis organizimi i edicionit të tretë të konferencës më të madhe studentore në Kosovë (Foto)

Autori: Gazeta inFokus 12:43 | 22 November 2017

Rektori i Universitetit të Prishtinës “Hasan Prishtina”, Marjan Dema priti në takim organizatorët e Konferencës Ndërkombëtare Studentore të Universitetit të Prishtinës (University of Prishtina International Student Conference – UPISC), raporton Universiteti i Prishtinë.

Qëllimi i këtij takimi ishte nënshkrimi i Memorandumit të Mirëkuptimit në mes të organizatës jo – qeveritare UPRIA dhe Universitetit të Prishtinës, Memorandum i cili parasheh bashkëpunim në mes palëve në implementimin e projektit “University of Prishtina International Student Conference” – edicioni i tretë, ose UPISC 2018.

Dema i përgëzoi studentët për punën e bërë në dy edicionet e kaluara të UPISC-it.

-Advertisement-

“Konferencat e këtij niveli të lartë akademik, të cilat organizohen nga vetë studentët tanë, na bëjnë krenarë dhe janë pasqyra e vërtetë e studentëve të Universitetit të Prishtinës. E për këtë ju siguroj që do keni çdoherë mbështetjen time dhe të menaxhmentit të UP-së,”, u tha Dema studentëve,transmeton Gazeta Intro.

Ndërkaq, Drejtori Ekzekutiv i UPRIA-s, njëherësh koordinator i projektit të UPISC-it, z. Vegim Hoti falënderoi Rektorin Dema dhe menaxhmentin e UP-së për mbështetjen e parezervë që kanë dhënë në organizimin e kësaj Konference.

“Pa përkrahjen institucionale, logjistike, morale por edhe financiare të Rektoratit, nuk do ishte e mundur që të organizohet kjo konferencë. Ne besojmë që konferencat e tilla ia ndryshojnë imazhin UP-së, e menaxhmenti aktual ka treguar gatishmëri për të bashkëpunuar me studentët në këtë drejtim”, tha Hoti.

Projekti “University of Prishtina International Student Conference” është nismë studentore, i cili është implementuar dy herë radhazi në bashkëpunim të ngushtë me Rektoratin e UP-së.

Subscribe në YouTube: GAZETA INFOKUSI