Lajme

Serwer ‘godet’ rëndë Thaçin në lidhje me kërkesën e tij për pasaportat shqiptare

Autori: Gazeta inFokus 08:05 | 17 October 2017

Analisti amerikan për Ballkanin, Daniel Serwer, ka thënë se kërkesa e presidentit Hashim Thaçi drejtuar homologut të tij Ilir Metës për pajisje të qytetarëve me pasaporta të Shqipërisë e zvogëlon sovranitetin e Kosovës. Sipas tij, një kërkesë e tillë nuk pranohet as nga Shqipëria nga frika e kthimit mbrapa të perspektivës së vet për në BE

Pajisja e qytetarëve të Kosovës me pasaporta të Shqipërisë, ashtu siç i kërkoi ditë më parë presidenti Hashim Thaçi homologut të tij Ilir Meta, do ta zvogëlonte sovranitetin e Kosovës.

Kështu ka deklaruar gjatë një interviste për gazetën “Zëri” analisti i njohur amerikan për Ballkanin, Daniel Serwer, duke shtuar se pavarësisht një kërkese të tillë Shqipëria nuk do t’u japë pasaporta kosovarëve, siç thotë ai, nga frika e kthimit mbrapa të perspektivës së vet për në Bashkimin Evropian.

-Advertisement-

Serwer gjatë kësaj interviste po ashtu ka folur edhe për kritikat e Thaçit ndaj ndërkombëtarëve për Gjykatën Speciale.

Sipas tij, nëse UÇK-ja dëshiron të mbahet mend për të mirë mbështetësit e saj nuk duhet t’i mbrojnë abuzimet e të drejtave të njeriut të kryera nga anëtarët e saj.

I pyetur se a do të detyrohet ta njohë Serbia pavarësinë e Kosovës në këmbim të anëtarësimit për në BE, Serwer ka thënë se njohja duhet të ndodhë edhe më shpejt.“Ajo nuk duhet të jetë njohje dypalëshe, por në vend të kësaj mund të vijë në formën e anëtarësimit në OKB dhe shkëmbimin e përfaqësuesve diplomatikë të nivelit të ambasadorëve”, ka thënë mes tjerash Serwer

Subscribe në YouTube: GAZETA INFOKUSI