Lajme

Teksas, situata nga përmbytjet pritet të përkeqësohet

Autori: Gazeta inFokus 13:24 | 29 Gusht 2017

Situata e shkaktuar nga përmbytjet katastrofike në shtetin amerikan të Teksasit pritet të përkeqësohet në ditët e ardhshme, pasi niveli i ujërave të sjella nga stuhia historike do të rritet.

Shira prej 75 cm kanë rënë tashmë në qytetin e Hustonit, pas uraganit “Harvey”, duke i kthyer rrugët në lumenj. Por meteorologët parashikojnë se dendësia e shirave do të dyfishohet më vonë gjatë javës.

Presidenti Donald Trump ka premtuar ndërkohë ndërmarrjen e veprimeve të shpejta për t’u ardhur në ndihmë personave të prekur dhe pritet që të vizitojë personalisht Teksasin këtë të martë.

-Advertisement-

“Riparimi i dëmeve do të jetë i gjatë dhe i vështirë, por qeveria federale është gati dhe ka vullnetin e duhur për të mbështetur këto përpjekje”, tha ai më herët.

Presidenti amerikan theksoi se ishte përballur me Kongresin sa i takon fondeve, duke paralajmëruar si “situata do të ketë një kosto të lartë”. Ndërkohë, Trump ka aprovuar shpalljen e gjendjes së jashtëzakonshme në Luizianën fqinje.

Uragani “Harvey” shkaktoi rrëshqitje toke teksa godiste zonën ditën e premte, duke sjellë shira, nivelet e të cilave janë cilësuar të paprecedenta nga autoritetet. Më vonë ai humbi fuqi duke u kthyer në një stuhi tropikale.

Mbi 3 mijë persona janë shpëtuar në Huston dhe rrethinat e tij. Bëhet fjalë për qytetin e katërt më të madh të SHBA, ku në zonën metropolitane jotojnë rreth 6.6 milionë banorë.

Helikopterët e skuadrave të shpëtimit i evakuuan njerëzit nga tarracat e pallateve dhe shtëpive. Ndërkohë, 9 vetë llogaritet të kenë humbur jetën, 6 prej të cilëve anëtarë të së njëjtës familje.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy