Lajme

Zjarre në BeH, Kroaci dhe Mal të Zi

Autori: Gazeta inFokus 15:33 | 20 Korrik 2017

Disa dhjetëra zjarre pyjore sot po tërbojnë në disa pjesë të Bosnjë e Hercegovinës, Kroacisë dhe Malit të Zi.

Siç kumtoi shërbimi për mbrojtje civile i Bosnjë e Hercegovinës, gjatë 24 orëve të fundit në territorin e vendit janë regjistruar 23 zjarre, prej të cilave kryesisht janë përfshirë sipërfaqe të barit dhe shkurreve.

Zjarr më i madh po tërbon në malin Çvërsnica në pjesën perëndimore të BeH-së, i cili po përhapet drejt qytetit Jabllanicë. Në ballafaqimin me zjarrin, autoritetet lokale kërkuan të përfshihen edhe helikopterë.

-Advertisement-

Disa zjarre po tërbohen edhe në pjesët qendrore të BeH-së, si dhe në rajonin e qytetit Mostar.

Mediat boshnjake njoftojnë se tani për tani është rëndë të përcaktohet vëllimi i zjarreve dhe dëmit të shkaktuar material, për shkak të tymit të dendur në rajonet e përfshira me zjarr.

Zjarr i madh në mëngjes po tërbon edhe në jug të Kroacisë në afërsi të bregut Adriatik, i cili në territorin kroat është përhapur nga Mali i Zi.

Në vijim është aksion i përbashkët i shërbimeve zjarrfikëse kroate dhe malazeze për vënien nën kontroll të zjarrit, ku janë përfshirë edhe aeroplanë.

Në territoret e Kroacisë dhe Malit të Zi gjatë ditëve të fundit ka pasur shumë zjarre të shkaktuara nga temperaturat e larta dhe moti i thatë.

Autoritetet e dy vendeve paralajmëruan se gjatë fundjavës së ardhshme janë të mundura zjarre të reja, në pritje të hovit të valës së re të ngrohtë dhe temperaturave të larta.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy