Prokuroria e Shtetit ende ka punë me grupet terroriste. Kështu dëshmohet në raportin vjetor të saj. Vetëm gjatë vitit të kaluar Prokurori i Shtetit ka pasur punë me 79 raste të kësaj natyre, ku të përfshirë kanë qenë 227 persona.

Numri i rasteve që janë zgjidhur nga ky aspekt është 28 raste me 66 persona. Derisa në procedurë bëhet e ditur se janë edhe 51 raste me 161 persona, shkruan Indeksonline.

As veprat e krimeve të luftës nuk është se janë zbardhur tërësisht. Gjatë vitit 2016, është formuar edhe departamenti për krime të luftës. Veprat e tilla penale thuhet të jenë nën kompetencën e prokurorëve të EULEX-it , deri në vitin 2016 por ende vazhdojnë të barten tek prokurorët vendor.

-Advertisement-

Gjatë kësaj kohe Prokurori i Shtetit ka pasur 359 raste me 1531 persona. Prej këtij numri janë zgjidhur 33 raste me 73 persona. Ndërsa kanë mbetur të pa zgjidhura 326 raste me 1 mijë e 458 persona.

‘’…Mënyra e zgjidhjes rasteve në Prokurorin e Shtetit është si në vijim: 47 persona i janë pushuar hetimet, për 17 persona është hedh kallëzimi penal, për 4 persona kemi cedim në kompetencë, ndërsa për 5 persona është ngritur aktakuza’’, bëhet e ditur në raportin e punës së Prokurorisë për vitin e kaluar.

Këto nuk janë veprat e vetme penale me të cilat janë ndeshur prokuroritë. Sfidë mbetet ende trafikimi me qenie njerëzore. Gjatë vitit të kaluar prokurori ka pasur punë me 66 raste, prej tyre të përfshirë 132 persona.

Derisa janë zgjidhur 42 raste me 86 persona, të pazgjidhura kanë mbetur 24 raste me 46 persona.

‘’…mënyra e zgjidhjes rasteve në Prokurorinë e Shtetit është si në vijim: 56 persona- të akuzuar, 24 persona – Pushimi i hetimeve, 3 persona – Hedhje e kallëzimit penal, për 2 persona – Propozim për masa trajtim i detyrueshëm dhe për 1 person lënda është dërguar në kompetence’’.
Vetëm gjatë vitit 2016, Prokurori i Shtetit ka pasur në punë 191 mijë e 755 kallëzime-lëndë penale./Indeksonline/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-