Lajme

Lushtaku kthehet në Skenderaj, muhabet në odë me bashkëvendësit

Autori: Gazeta inFokus 22:03 | 03 July 2017

Kryetari i Skenderajt, Sami Lushtaku, pas lirimit të tij nga burgu i sigurisë së lartë në Gerdofc, është pritur nga bashkëvendësit në një odë, ku ka bashkëbiseduar me ta.

Më herët, para shtëpisë së tij, ai është përshëndetur me qytetarë të shumtë, nën gjëmimin e tupanëve dhe brohoritjeve.

Para se të kthehej në shtëpi, ish-komandanti i UÇK-së për zonën e Drenicës ka bërë homazhe fillimisht pranë varrit të komandantit Adem Jashari në Prekaz dhe të rënëve nga kjo familje për liri.

-Advertisement-

Gjykata Supreme ka vendosur sot për lirimin e Sami Lushtakut nga të gjithat akuzat për krime lufte, për të cilat ishte dënuar me 12 vite burgim nga Gjykata Themelore në Veri të Mitrovicës, e më pas 7 vite burgim nga Apeli.

Subscribe në YouTube: GAZETA INFOKUSI