Lajme

Dardan Molliqaj mbledh shumë vota vetëm në Prishtinë

Autori: Gazeta inFokus 11:16 | 14 June 2017

Dardan Molliqaj është kandiduar për herë të parë për deputet në zgjedhjet e 11 qershorit në Kosovë.

Sekretari Organizativ i Vetëvendosjes, ka befasuar me votat që ka arritur të mbledhë vetëm në kryeqytet.

Në bazë të listës së Vetëvendosjes të siguruar nga Periskopi, pa numërimin e 27 vendvotimeve, del se Molliqaj në Prishtinë ka arritur të mbledhë 8,405 vota gjithsej.

-Advertisement-

Kjo renditje e Molliqajt e nxjerr atë në mesin e 4 njerëzve më të votuar në Prishtinë brenda VV-së, pas bartësit të listës Albin Kurtit dhe kandidatëve për deputetë, Shpend Ahmetit e Dardan Sejdiut.

Në bazë të informacioneve, Molliqaj ka mbledhur vota të shumta edhe në qytete tjera të Kosovës.

Molliqaj ishte disa herë në qendër të vëmendjes së mediave gjatë fushatës, me deklaratat e tij në debate të ndryshme, që mbështeteshin e shpërndaheshin nga qytetarët e simpatizantët e VV-së.

Subscribe në YouTube: GAZETA INFOKUSI