Lajme

Nura: Ata që ua blejnë votat, nesër ua kthejnë shpinën

Autori: Gazeta inFokus 15:53 | 31 May 2017

Në hapjen zyrtare të fushatës për zgjedhjet e 11 qershorit, kandidatja për deputete nga koalicioni PDK-AAK-NISMA, Elmaze Nura u ka bërë thirrje qytetarëve që të mos i shesin votat, por të votojnë ata që e meritojnë.

“Ambicja për të hyrë në Kuvend, prej sot shpaloset zyrtarisht nga kandidatët në garën elektorale. Disa prej tyre, duket se nuk do të kursehen, për të zënë me çdo kusht dhe çmim, një ulëse në legjislaturën e re. Mesazhi im për elektoratin, është që votën t’ua japin atyre të cilët premtojnë të përfaqësojnë interesin publik në parlament. Vendi ynë do të ketë qeverisje më të mirë dhe mirëqënie më të lartë, nëse sovrani përfaqësohet nga të zgjedhurit e duhur, të vendosur për t’i mbrojtur të drejtat e qytetarëve. Ata që sot ua blejnë besimin, nesër do t’ua kthejnë shpinën. Mendoni për fëmijët tuaj, familjen, shoqërinë, të ardhmen e Republikës. Ka ardhë koha për fytyra të reja në Kuvend, për njerëzit e mirë të Kosovës!”, ka shkruar Nura në Facebook.

-Advertisement-

Subscribe në YouTube: GAZETA INFOKUSI