Lajme

SBASHK-u: Arsimi të mos shfrytëzohet për vota

Autori: Gazeta inFokus 09:00 | 19 May 2017

Rrahman Jasharaj, kryetar i Sindikatës së Bashkuar të Arsimit, Shkencës dhe Kulturës (SBASHK), ka apeluar te partitë politike që sektorin e arsimit të mos e shfrytëzojnë për vota

Përfaqësues të sindikatave dhe të shoqërisë civile apelojnë te partitë politike në vend që objektet, por edhe nxënësit, të mos i përdorin gjatë fushatës parazgjedhore për zgjedhjet nacionale që do të mbahen më 11 qershor të këtij viti. Premtimet e partive politike në kohë fushate zgjedhore për mësimdhënësit po mbesin pa u realizuar. Sindikata e Bashkuar e Arsimit, Shkencës dhe Kulturës (SBASHK) ka apeluar tek partitë politike të mos e shfrytëzojnë sektorin e arsimit për vota dhe të mos japin premtime boshe që nuk po realizohen.

Kjo sindikatë u ka bërë thirrje mësimdhënësve që të mos dalin në fushata, por ta japin votën e tyre për cilindo subjekt që ata duan ta votojnë. Ndërsa Koalicioni i Organizatave Joqeveritare për Mbrojtjen e Fëmijëve (KOMF) ka kërkuar të mos lejohet assesi që procesi mësimor të pengohet gjatë fushatës zgjedhore. Kurse Ministria e Arsimit nuk është deklaruar rreth keqpërdorimit të shkollave gjatë fushatës, ku hyjnë mësimdhënësit dhe nxënësit, madje këta të fundit të klasave të ulëta të fillores.

-Advertisement-

Rrahman Jasharaj, kryetar i SBASHK-ut, ka apeluar tek mësimdhënësit që ta ruajnë qëndrimin e tyre, të mos anojnë nga asnjë parti politike

Subscribe në YouTube: GAZETA INFOKUSI
Etiketa:
Comodita në Las Vegas Market prezanton linjat e reja të dyshekëve për tregun amerikan
-Advertisement-

Të tjera

Fokusi

lajme