Fokus

Psikologia Haziri për OJQ “Klubi i Dëshirave”: A po ofrojnë institucionet mbështetjen e duhur?

Autori: Gazeta inFokus 21:53 | 15 Tetor 2026

Psikologia Kaltrina Canolli Haziri ka folur për funksionimin e organizatës joqeveritare “Klubi i Dëshirave” dhe mbështetjen që kjo organizatë merr nga institucionet për ofrimin e shërbimeve ndaj personave me aftësi të kufizuara.

E ftuar në emisionin “Doktor Plus” me Arjeta Osmanin, Haziri ka treguar se organizata funksionon prej një kohe të gjatë dhe është e angazhuar në ofrimin e shërbimeve të qëndrimit ditor, rehabilitimit dhe përfshirjes së personave me aftësi të kufizuara në komunitet.

“Organizata ‘Klubi i Dëshirave’ realisht është një organizatë që funksionon prej një kohe të gjatë dhe punon në pjesën e qëndrimit ditor me këta persona. Po ashtu, punon në promovimin, rehabilitimin dhe përfshirjen e personave me aftësi të kufizuara në komunitet”, ka deklaruar Haziri.

-Advertisement-

Ajo ka theksuar se organizata aktualisht gëzon mbështetje nga institucionet, duke sqaruar se funksionimi i organizatave joqeveritare në përgjithësi mbështetet në projekte dhe donacione.

“Aktualisht, për shembull, në organizatë kemi përkrahje nga institucionet. Për shkak se organizatat në përgjithësi punojnë me projekte ose donacione, këto përkrahje vijnë nga institucionet shtetërore, por jo vetëm”, është shprehur ajo.

Përmes këtij diskutimi, Haziri ka vënë në pah rëndësinë e mbështetjes institucionale dhe financiare për organizatat që ofrojnë shërbime për personat me aftësi të kufizuara, veçanërisht në fushën e rehabilitimit dhe përfshirjes së tyre në jetën shoqërore.

Këto deklarata psikologia Kaltrina Canolli Haziri i ka bërë në emisionin “Doktor Plus” me Arjeta Osmanin, në Gazetën Infokus.

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

fokus

Ky website përdor cookies. Duke vazhduar përdorimin, ju pranoni përdorimin e tyre.

Privacy policy