Lajme

Haradinaj pas protestës së komunave: Regjimi Kurti nuk u la rrugë tjetër kryetarëve, boll është boll

Autori: Gazeta inFokus 13:43 | 01 September 2026

Deputeti i Aleancës, Ramush Haradinaj, ka reaguar pas protestës së kryetarëve të komunave para Qeverisë së Kosovës, duke kritikuar qeverisjen e kryeministrit Albin Kurti.

Haradinaj ka thënë se komunat dhe kryetarët e tyre janë detyruar të dalin në rrugë për të kërkuar të drejtat dhe kompetencat që, sipas tij, u takojnë me ligj.

“Regjimi Kurti nuk ju la rrugë tjetër kryetarëve të komunave dhe komunave të dalin në rrugë. Boll është boll”, ka shkruar Haradinaj.

-Advertisement-

Protesta është organizuar në shenjë kundërshtimi ndaj disa vendimeve dhe politikave të nivelit qendror, ndërsa Asociacioni i Komunave të Kosovës ka paraqitur një sërë kërkesash ndaj Qeverisë.

Drejtori ekzekutiv i AKK-së, Sazan Ibrahimi, ka deklaruar se mesazhet e protestës nuk janë partiake dhe se kërkesat nuk janë personale të kryetarëve të komunave.

Sipas tij, komunat kërkojnë buxhetin, pronën, kompetencat dhe trajtimin e barabartë institucional që u takojnë sipas Kushtetutës dhe legjislacionit në fuqi.

Në mesin e kërkesave të AKK-së janë kompensimi i obligimeve financiare që burojnë nga kontratat kolektive, mbulimi nga buxheti qendror i kompensimit retroaktiv për përvojën e punës, rishikimi i kritereve të grantit specifik për arsim, si dhe ndërprerja e, siç e kanë cilësuar, centralizimit dhe cenimit të kompetencave komunale.

AKK-ja ka kërkuar gjithashtu përgjegjësi institucionale për humbjen e mbështetjes financiare të Bashkimit Evropian, kompensimin e dëmeve nga vërshimet dhe fatkeqësitë natyrore, si dhe krijimin e një granti të katërt për investime kapitale.

Ibrahimi ka bërë thirrje për dialog institucional me Qeverinë, duke theksuar se komunat do të vazhdojnë t’i mbrojnë interesat e tyre përmes mjeteve demokratike dhe institucionale.

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy