Lajme

Krasniqi: Të tjerë në LVV kanë pasur ambicie për karrigen e kryeparlamentarit, por duket se Haxhiu për Kurtin është më e rëndësishme sesa krejt ata

Autori: Gazeta inFokus 11:53 | 29 Maj 2025

Kryetari i Partisë Demokratike të Kosovës (PDK), Memli Krasniqi, ka kritikuar ashpër Lëvizjen Vetëvendosje dhe kryeministrin në detyrë, Albin Kurti, për zvarritjen e konstituimit të Kuvendit të Kosovës.

Ai tha se, pavarësisht se kanë kaluar mbi tre muaj e gjysmë nga zgjedhjet dhe më shumë se një muaj e gjysmë nga tentimi për konstituim, ende nuk është bërë asnjë veprim konkret për të dalë nga bllokada institucionale, shkruan Gazeta Infokus.

“Fatkeqësisht, bllokada e inicuar dhe e mundësuar nga Lëvizja Vetëvendosje po vazhdon. Ne as sot nuk kemi institucione funksionale dhe nuk po shohim as interesim, as vullnet për të dalë nga kjo situatë e rëndë. Kjo është rezultat i kryeneçësisë politike të z. Kurti dhe partisë së tij,” deklaroi Krasniqi.

-Advertisement-

Ai kritikoi edhe insistimin e LVV-së për të kandiduar Albulena Haxhiun për kryetare të Kuvendit, pavarësisht se, sipas tij, ka pasur edhe emra të tjerë brenda partisë që kanë shprehur ambicie për këtë post.

“Besoj se Kurti ka mashtruar mjaftueshëm deri më tani. Ka pasur deputetë të tjerë që kanë pasur ambicie për këtë pozitë, por duket që Albulena Haxhiu është më e rëndësishme se të gjithë ata bashkë,” shtoi ai.

Kreu i PDK-së përsëriti qëndrimin e partisë së tij, duke theksuar se nuk do të votojnë “asnjë deputet që ka qenë pjesë e Qeverisë Kurti”, ndërsa për propozime të tjera, tha se “mbetet të shihet”.

Në fund, ai i bëri thirrje LVV-së që të tregojë maturi politike dhe të vendosë interesin e qytetarëve para interesave partiake.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy