Eksperti i ekonomisë, Shenoll Muharremi, ka ngritur alarmin për dallimet e theksuara ndërmjet shifrave të punësimit të publikuara nga tri prej institucioneve kryesore në vend: Agjencia e Statistikave të Kosovës (ASK), Administrata Tatimore e Kosovës (ATK) dhe Fondi Pensional i Kosovës (Trusti).

Përmes një reagimi publik, Muharremi thekson se vërehet një diskrepancë e madhe mes të dhënave të këtyre institucioneve, duke e bërë të paqartë numrin real të të punësuarve në Kosovë, shkruan Gazeta Infokus.

“Qe disa ditë po mundohem me kuptu si ka mundësi me pas kaq diskrepancë të thellë në shifra të punësimit tek tri institucionet vitale: ASK, Trusti dhe ATK. Sa janë të punësuar në Kosovë? Mvaret kënd e pyet”, shkruan Muharremi.

-Advertisement-

Vërejtjet dhe rekomandimet kryesore të Muharremit janë:

1. Vonesa në publikimin e të dhënave nga ASK

Muharremi kritikon ASK-në për vonesat e mëdha në publikimin e statistikave të punësimit, ndonëse të dhënat për tregtinë apo inflacionin publikohen me kohë.

“Deri më 27 mars 2025, kemi pasur vetëm të dhënat e vitit 2023. Vetëm para pak muajsh u publikuan të dhënat për TM1 dhe TM2 të vitit 2024, kur në fakt tashmë do të duhej të kishim edhe të dhënat për vitin 2025.”

Ai kërkon që ASK t’i publikojë me kohë të dhënat për punësimin dhe të mos lejojë që këto statistika të keqpërdoren politikisht.

1. Mospërputhjet në të dhënat e Trustit

Sipas Muharremit, Trusti pensionale ka një “reset” të çuditshëm në fillim të çdo viti, që krijon dallime drastike me çerekun e fundit të vitit paraprak. Në vitin 2025, në TM1 u raportuan 337,283 llogari aktive, ndërsa në TM4 të 2024 ishin 445,613 – mbi 100 mijë më shumë.

Ai kërkon sqarime për këtë diferencë dhe thekson se personat nuk duhet të regjistrohen më shumë se një herë në raste të punësimit të përkohshëm.

1. Mungesë koordinimi ndërinstitucional

Eksperti i ekonomisë thotë se mungesa e harmonizimit të metodologjisë mes Trustit, ASK-së dhe ATK-së krijon konfuzion në opinionin publik dhe dëmton besueshmërinë e statistikave.

1. Ndryshimet në raportim pas vitit 2020

Duke u bazuar në një analizë krahasuese të viteve të fundit, Muharremi vë në dukje se në vitin 2020 kishte përafrim mes të dhënave të ASK-së dhe Trustit, por kjo ka ndryshuar dukshëm kohët e fundit.

“Duhet të sqarohet nëse ka pasur ndryshim metodologjie. Veçanërisht duhet të dihet sa persona janë të punësuar përkohësisht dhe të mos llogariten si të punësuar nëse nuk janë aktivë në çerekun e fundit të vitit.”

Në fund, Muharremi kërkon më shumë transparencë, koordinim institucional dhe publikim të saktë të statistikave të punësimit, si parakusht për politika ekonomike të drejta dhe të bazuara në të dhëna reale.

Gazeta Infokus të hënën ka publikuar të dhënat nga Trusti Pensional i Kosovës, ku sipas këtyre shifrave vjetore mesatare të llogarive aktive del se për katër vite numri i të punësuarve është rritur vetëm për 31 mijë, dhe jo 87 mijë ashtu sic deklaronte publikisht kryeministri në detyrë, Albin Kurti.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-