Fokus

Cakolli: Seanca u bllokua sepse koalicioni i LVV-së pra shumica parlamentare nuk i pati votat, jo pse këtë e bëri opozita

Autori: Gazeta inFokus 16:27 | 15 Prill 2025

“Nuk dështoi votimi i raportit pse opozita e bllokoi por se shumica parlamentare nuk i kishte votat’, ka thënë, Eugen Cakolli nga Instituti Demokratik i Kosovës.

Cakolli në një intervistë për Gazetën Infokus ka thënë Lëvizja Vetëvendosje nuk i pati votat as për kalimin e raportit të verifikimit të mandateve dhe në këtë formë nuk do ti kshte as për votimin e kryeparlamentarit.

Madje ai ka thënë se në bazë të situatës, ata nuk kishin as një propozim apo një emër për kandidatin për kryetar të Kuvendit i cili pritej të votohej sot.

-Advertisement-

“Unë besoj që fatkeqsisht jo sepse nuk kishte numra as për tu kaluar një raporti i thjeshtë i verifikimit të mandateve e që për bindjen time është indikator që nuk janë numrat as për hapin tjetër por që në periudhën prej tash deri në seancën tjetër kur do që të mbahet e njejta besoj mund të ketë zhvillime dejt formimit të institucioneve”, ka thënë Cakolli.

Sipas tij seanca e radhës nuk mund të mbahet më larg se të enjten dhe nëse edhe kjo dështon atëherë seancë e tretë duhet të mbahet të shtunën e kësaj jave.

“Seanca e radhës duhet të mbahet më së largu deri të enjten në mesditë dhe që nëse e njejta dështon pastaj një seancë tjetër duhet të mbahet sërish jo më vonë se deri të shtunën nga dështimi i seancës së dytë”, ka thënë Cakolli për Infokus.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

fokus

Ky website përdor cookies. Duke vazhduar përdorimin, ju pranoni përdorimin e tyre.

Privacy policy