Lajme

Komentet e Biden rrezikojnë fushatën e Kamala Harris

Autori: Gazeta inFokus 08:25 | 30 October 2024

Fjalimi kryesor i fushatës së kandidates demokrate Kamala Harris në Uashington DC mbrëmjen e së martës rrezikoi “të errësohej” nga deklarata e presidentit Joe Biden.

Ky i fundit denigroi mbështetësit e kandidatit republikan për president Donald Trump, duke i konsideruar si “mbeturina”.

Pak pas komenteve të shprehura, Biden hodhi poshtë pretendimet se ka për qëllim denigrimin e mbështetësve të Trump, ndërsa sulmoi komedianin që e quajti Porto Rikon një “ishull lundrues mbeturinash” gjatë tubimit të kandidatit republikan.

-Advertisement-

Duke folur në një ngjarje Zoom me votuesit më herët, Biden deklaroi për portorikanët se: “Ata janë njerëz të mirë, të denjë dhe të nderuar”. Më pas ai u shfaq duke thënë: “E vetmja mbeturinë që shoh që qarkullon atje janë mbështetësit e tij…, demonizimi i tij i latinëve është i pandërgjegjshëm”.

Fill pas deklaratave të presidentit Biden, i menjëhershëm ishte reagimi i Donald Trump. Ky i fundit, teksa u shpreh për Biden se “ju lutemi faleni, sepse ai nuk e di se çfarë tha”, akuzoi Kamala Harris për drejtimin e një fushate urrejtje.

“Ajo e ka kaluar gjithë javën duke krahasuar kundërshtarët e saj politikë me vrasësit masivë më të këqij në histori. Tani, mbi të gjitha, Joe Biden i quan mbështetësit tanë ‘plehra’. Ju nuk mund ta udhëhiqni Amerikën nëse nuk e doni popullin amerikan,” deklaroi Trump.

Subscribe në YouTube: GAZETA INFOKUSI
Etiketa:
UFC EKSKLUZIVISHT NË ARTMOTION!
-Advertisement-

Të tjera

Fokusi

lajme