Sot e dje (e hënë), nëpër media kanë qarkulluar pjesë të mesazheve mes Dejona Mihalit, koordinatore e komiteteve në Vetëvendosje dhe personave tjerë të cilët kanë pozita në dikasteret e shtetit, shkruan Gazeta Infokus.

Në një pjesë të këtyre mesazheve flitet edhe për Ergys Verdhon, ish drejtorin e Korporatës ElektroEnergjetike të Shqipërisë, ku në këto mesazhe flitet se si Dejona Mihali ka ndërhyrë në vendimet e KEK-ut duke përfshirë edhe Verdhon.

Në këto biseda gjithashtu ceket se si Mihali ka kërkuar nga ish kryeshefi i KEK-ut të i kërkojë Ergys Verdhos të mos ketë reduktime me energji elektrike në Kosovë.

-Advertisement-

E gazetari i Infokus-it, Shkëlzen Dakaj në një storie komentuese të realizuar ka shpjeguar se kush është me të vërtet Ergys Verdho e që Mihali-t nuk i ka takuar që të ndërhyjë në reduktime e furnizime të qytetarëve me energji elektrike.

“Ergys Verdho, ka qenë drejtor i Korporatës ElektroEnergjetike të Shqipërisë deri në këtë vit, ka dhënë dorëheqje para pak muajve prej kësaj pozite e me sa hulumtova ishte emëru drejtor i Hekurudhave në Shqipëri e atje në KESH-ishte i akuzum edhe për keqpërdorime e vjedhje milionëshe që ka ba gjatë kohës sa e ka drejtu KESH-in.”

“Dejona Mihali po i thotë drejtorit të KEK-ut mos me pas reduktime a e dini që prej vitit 2013 prej që është privatizu distribucioni i KEK-ut, KEK-u nuk ka të bëjë më as me reduktime po as me furnizime të qytetarëve me energji elektrike. Nga kjo që po shohim nga komunikimi dhe disa veprime që janë ba Dejona Mihali dhe Nagip Krasniqi po del se kanë punu në favor dhe në interes të kompanisë turke KESCO që e kanë për detyrë furnizimin e energjisë elektrike të qytetarëve në Kosovë, derisa Dejona Mihali po kërkon nga drejtori i KEK-ut që mos me pas reduktime dhe po kërkon që drejtori i KEK-ut të komunikojë me drejtorin e  KESH-it që të ketë furnizim prej atje kjo përbën shkelje në vetvete, e para që e ka ndikim atje dhe e dyta pse duhet me u interesu Dejona Mihali për reduktime pse duhet me u përfshi drejtori i KEK-ut a ka reduktime a ska”, ka potencuar Dakaj në këtë storie.

Ndryshe kujtojmë që Gazeta Infokus ka publikuar dy hulumtime të ndara se si kompania GEN në të cilën këshilltar ishte Berishaj kishte përfituar nga buxheti i Kosovës konkretisht nga KEK-u mbi 15 milionë euro.

Infokusi kishte publikuar edhe një sërë shkrimesh në lidhje me keqpërdorimet në KEK në kohën e Nagip Krasniqit e ku prej 4 prej tyre, ai edhe po hetohet nga Prokuroria Speciale e për të cilën çështje është intervistuar me orë të tëra edhe Dejona Mihali.

LEXO EDHE: Kompania GEN mori 15 milionë euro nga Kosova, hulumtimet e Infokusi-t për Martin Berishajn që trazuan Dejona Mihajlin

Për më shumë ndiqeni storien e plotë me detaje të realizuar nga Shkelzen Dakaj:

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-