Nga policia e Kosovës tashmë kanë konfirmuar se ka arritur në 13 numri i nxënësëve, të cilat u vetlënduan për shkak të një lojë sfiduese në rrjeti social “Tik Tok” e cila ka nisur të shndërrohet në fenomen.

Ky rast momentalisht për aq sa ka informacione po ndodhë vetëm në komunën e Gjakovës, shkruan Gazeta Infokus.

E në lidhje me këtë për Infokus ka dhënë detaje të reja edhe Drejtoresha e Arsimit në Gjakovë, Eranda Kumnova – Baçi.

Ajo ka thënë se pre e kësaj loje të rrezikshme po bien vetëm vajzat.

“Zyrtarët policor po merren me të gjitha procedurat dhe mjeket me ekzaminimin e kohës së plagëve të shkaktuara. Kjo ka të bëj me një sfidë të rrjetit social “Tik Tok”, dhe zakonisht e bëjnë vajzat. Nxënëset janë të shkollave të mesme të ulëta”, ka deklaruar drejtoresha për Infokus.

Ajo deklaroi se pas këtyre rasteve është marrë vendimi që të iu ndalohet rreptësisht përdorimi dhe mbajtja e telefonave mobil nxënësve në shkolla.

“Shkollat sot janë duke zhvilluar kontrolle në të gjitha klasat, dhe nga sot e tutje do të ndalohet rreptësishtë mbajtja e telefonave mobil nga nxënësit. Në rast se psikologet apo kujdestaret vërejnë shenja të dyshimta në duar të nxënësve atëherë do të lajmërohen menjëherë zyrtaret policor dhe do të vazhdojnë me procedurat hetimore”, ka potencuar ajo për Infokus.

Mirëpo se si doli në pah ky fenomen në qytetin e Gjakovës?

Drejtoresha e Arsimit në Gjakovë ka treguar për Infokus se këto raste u zbuluan pas një informate jozyrtare nga një prind.

“Pas një informate jo zyrtare (nga një prind) te premten ne mbrëmje për vetëlëndim nga vajzat kemi lajmëruar drejtoret e shkollave që të hënën të fillojnë edhe kontrollet në shkolla bashkë me psikolog dhe me kujdestaret e klasave. Në ndërkohë kemi lajmëruar edhe zyrtaret policor, dhe veç në kontrollet e djeshme dhe pardje ka rezultuar të identifikohen 13 nxënëse me vetëlëndime të mëhershme”, është deklaruar Kumnova – Baçi për Infokus.

Gjithashtu drejtoresha e arsimit në këtë qytet ka thënë se kontrollet janë duke vazhduar edhe sot nëpër shkolla.

Këto raste të këtij fenomeni nga Policia e Kosovë po cilësohen si “Shtytje në Vetëvrasje”.

Sipas raportimeve dyshimet ekzistonin që nga fundi i vitit shkollor.

Nga këto rate të lëndimeve, fëmijët po ndikohen nga një lojë e rrezikshme në rrjetin social TikTok, ku pjesë e kësaj loje është gërvishtja e trupit me mjete të ndryshme.

Gazeta Infokus ka dërguar pyetje në Policinë e Kosovës në lidhje për të ditur se a po raportohet edhe në qytete të tjera të Kosovës për raste të ngjajshme apo vetëm në Gjakovë. Mirëpo deri në publikimin e këtij artikulli nuk kemi marrë informacione zyrtare.

Ndërkaq Gazeta Infokus do të ju mbajë të informuar në lidhje me këto raste./Gazeta Infokus/

Policia jep detajet e fundit, arrin në 13 numri i nxënësve që u vetlënduan në Gjakovë për shkak të lojës në “Tik Tok”

BKT Kosova vlerësohet për herë të tretë "Banka e Vitit 2023 në Kosovë" nga The Banker

Sponsoruar