Lajme

Tahiri i AAK-së: Do të angazhohemi që paga të jetë 1 mijë euro

Autori: Gazeta inFokus 13:17 | 09 September 2024

Shefi i Grupit Parlamentar të AAK, Besnik Tahiri, ka thënë se në këtë sesion vjeshtor do të angazhohem që paga mesatare të jetë 1 mijë euro, si dhe në miratimin e sigurimeve shëndetësore.

Shefi i deputetëve të AAK-së ka thënë se për këtë mandat ka pasur rritje të migrimit dhe mungesë të njohjeve të reja.

“E para shteti ynë më i ri Kosova me qeverisjen katër vjeçare të Kurtit ka pësuar një dobësi serioze në rrafshin e brendshëm dhe rrafshin e jashtëm. Marrëveshjet ndërkombëtare kurrë nuk kanë qenë problem, problem ka qenë menaxhimi i brendshëm. Në këta tre muaj e gjysmë, AAK do të mundohet ti adresoj tri çështje, do të vazhdojmë angazhimin tonë që të shtyjmë përpara konceptin për ligjin e pagave, ku paga mesatare duhet të jetë 1 mijë euro. Do të shtyjmë përpara miratimin e Ligjit për Sigurime Shëndetësore dhe e treta do të angazhohemi për zhvillimin e Kosovës. Kosova sot ka 250 mijë banor më pak, është kjo qeveri që ka ardhur në pushtet me kthye shpresën dhe është kjo Qeveri që po e humb shpresën. Për katër vite nuk kemi asnjë njohe”, u shpreh Tahiri.

-Advertisement-

Subscribe në YouTube: GAZETA INFOKUSI