Bashkimi Evropian si duket po planifikon një takim të ri në mes të Kosovës dhe Serbisë ku do të flitet edhe për zhvillimet e fundit sa i përket diskutimeve e planeve të qeverisë për hapjen e urës në Mitrovicë.

Këtë e ka bërë të ditur për Gazetën Infokus, zëdhënësja e BE-së, Nabila Massrali e cila edhe një herë ka theksuar se qëndrimi sa i përket çështjes së urës është i qartë.

“BE-ja u kërkon të gjitha palëve të interesuara të përmbahen nga çdo veprim i pakoordinuar dhe i njëanshëm. BE planifikon të vendosë statusin e urës në axhendën e takimit të ardhshëm të Dialogut”, ka thënë Massrali.

-Advertisement-

Në lidhje me pyetjen se a është duke u koordinuar qeveria e Kosovës me përfaqësuesit e BE-së në lidhje me zhvillimet e fundit sa i përket çështjes së urës, Massrali ka thënë se qeverisë Kurti i është bërë i qartë qëndrimi i tyre kundër tensionimit të situatës.

Ndërsa për mundësinë e vendosjes së masave të reja për Kosovën për të cilat paralajmëroi zëdhënësi tjetër i BE-së, Peter Stano, në një konferencë për media, ajo tha se “dështimi nga palët për të ulur tensionet do të ketë pasoja”.

“Ne ua kemi bërë shumë të qartë qëndrimin tonë homologëve tanë në Kosovë në shumë nivele, në shumë mënyra dhe përmes shumë partnerëve. Shtetet anëtare në konkluzionet e Këshillit vitin e kaluar ishin të qarta se “dështimi nga palët për të ulur tensionet do të ketë pasoja”, ka thënë zëdhënësja e BE-së në një përgjigje për Gazetën Infokus.

Tashmë qeveria e Kosovës ka kryer testimet e nevojshme me kamionë për të parë mundësinë për hapjen e urës edhe për vetura.

Në lidhje me këtë kanë protestuar edhe serbët në veri të cilët po refuzojnë hapjen e urës.

Sot në një përgjigje për Kosova Press, zëvendësministri i Infrastrukturës, Hysen Durmishi ka thënë se nuk e di se kur do të hapet ura por që sipas tij sot pritet të publikohet vlerësimi që është bërë nga ekspertët.

Për këtë plan të qeverisë, Kosova u kritikua edhee nga partnerët ndërkombëtarë duke e cilësuar planin si “veprim të njëanshëm dhe të pakoordinuar”.

Derisa edhe nga KFOR-i kanë thënë se çdo vendim për hapjen e urës duhet dhe mund të merret vetëm në dialog./Gazeta Infokus/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-