Lajme

Ky është rezultati përfundimtar nga referendumi në veri pas numërimit të votave me kusht

Autori: Gazeta inFokus 16:26 | 22 April 2024

Tashmë janë numëruar edhe votat me kusht dhe votat e personave me nevoja të veçanta, pas referndumit të mbajtur të dielën në katër komunat veriore të Kosovës.

Komisioni Qendror Zgjedhor ka njoftuar se nuk ka ndonjë ndryshim me numrin e përgjithshëm të votave që janë prezantuar të dielën në orën 19:30.

“Në këto rezultate përfundimtare mund të vërehet ndonjë ndryshim lidhur me numrin e përgjithshëm të votave nga ato që KQZ ka prezantuar në konferencën e orës 19:30, më 21 prill. Kjo ndodhë për shkak se në këto rezultate përfundimtare janë përfshirë edhe votat nga Votimi me Kusht dhe votat nga Votimi i Personave me Nevoja të Veçanta. Në raportimet nga dita e votimit, KQZ zakonisht i referohet vetëm statistikave nga vendvotimet e rregullta, ku nuk përfshihet Votimi me Kusht dhe Votimi i Personave me Nevoja të Veçanta (VPNV)”, thuhet në njoftimin e KQZ-së.

-Advertisement-

Ndërsa sipas rezultatit të së dielës pas mbylljes së qendrave të votimit nga KQZ-ja deklaruan se pati gjithsej 253 votues në të gjitha komunat.

“Në Leposaviq 124 votues, Zubin Potok 18 votues, Zveçan nuk ka votuar asnjë votues dhe në Mitrovicën e Veriut 111 votues”, tha kreu i KQZ-së, Kreshnik Radoniqi.

Pra nuk kanë votuar shumica e votuesve të regjistruar dhe nuk është arritur 50% plus 1 i domosdoshëm, prandaj u konstatua se iniciativa e qytetarëve për largimin e kryetarëve dështoi.

Kujtojmë se për të qenë referendumi i sukseshëm është pritur që të dalin në votime të paktën 50% e qytetarëve me të drejtë vote plus një, dhe në këtë rast komunat në veri do të shkonin në zgjedhje të jashtëzakonshme./Gazeta Infokus/

 

Subscribe në YouTube: GAZETA INFOKUSI
Etiketa:
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin
-Advertisement-

Të tjera

Fokusi

lajme