Lajme

Irani nis su*min ndaj Izraelit

Autori: Gazeta inFokus 22:39 | 13 April 2024

Irani e ka nisur këtë të shtunë sulmin e paralajmëruar mbi Izraelin.

Këtë e ka konfirmuar një zyrtar amerikan për CNN, transmeton KlanKosova.tv. Ky konfirmim vjen pas atij të Forcave Mbrojtëse të Izraelit.

Raportimet e fundit thonë se Irani ka lëshuar disa dronë mbi shtetin izraelit, cfarë konfirmohet edhe nga Uashingtoni.

-Advertisement-

Forcat Mbrojtëse të Izraelit e kanë konfirmuar fillimin e sulmeve të Iranit ndaj tyre.

Në njoftimin e IDF-së thuhet se sulmet mund të marrin orë të tëra për të arritur në Izrael.

Kryeministri izraelit, Benjamin Netanyahu, ka thënë se sistemet mbrojtëse të vendit janë vendosur dhe se Forcat e Armatosura Izraelite janë gati.

“Kam vendosur një parim të qartë – kushdo që na lëndon ne, ne e lëndojmë atë. Ne do të mbrohemi nga çdo kërcënim dhe do ta bëjmë këtë me gjakftohtësi dhe vendosmëri”, tha ai, shkruan BBC, transmeton Klankosova.tv.

Sulmi vjen pas disa ditësh pritjeje se Irani po përgatitej të sulmonte Izraelin si hakmarrje për një sulm që vrau një komandant të lartë iranian.

Irani ka nisur një sulm kundër Izraelit duke përdorur dhjetëra dronë.

Në pamjet e publikuara nga një profil në llogarinë “X”, të quajtur “Iran Observer”, shihen sulmet iraniane ndaj Izraelit, transmeton Klankosova.tv.

CNN raportoi më herët për sulmin, duke cituar katër zyrtarë amerikanë dhe izraelitë.

 

Subscribe në YouTube: GAZETA INFOKUSI
Etiketa:
Studente dhe prind, Medina Berisha tregon për rrugëtimin e saj akademik në UNI- Universum International College, fuqizuar nga Arizona State…
-Advertisement-

Të tjera

Fokusi

lajme