Lajme

Rritja e temperaturave aktivizon rriqrat, 32 raste me pickime në Malishevë

Autori: Gazeta inFokus 23:17 | 05 Prill 2024

Që nga fillimi i vitit, 32 raste me pickime të rriqrave janë paraqitur në Qendrën Kryesore të Mjekësisë Familjare në Malishevë.

Kështu ka thënë Drejtori i QKMF-së në këtë komunë, Afrim Krasniqi derisa ka bërë të ditur se ende nuk kanë filluar të bëjnë dezinsektimin, si pasojë e procedurave të prokurimit.

“Rastet veç kanë fillu, këtë vit deri me datën e djeshit i kemi 32 raste të cilat janë paraqit për heqje të rriqrave. Ende nuk ka fillu dezinsektimi për shkak të procedurave të prokurimit ende nuk është zgjedhë kompania fituese për dezinsektim, komuna është në fazat e fundit të nxjerrjes së këtij vendimi”, tha Krasniqi.

-Advertisement-

Drejtori Krasniqi ka treguar edhe simptomat që kanë pacientët.

“Rastet që tani për tani janë lajmëruar janë raste pa sëmundje por vetëm me pickime nga rriqrat, dominon kruarja dhe pacientët e vërejnë me dorë apo me sy që iu ka ngjit rriqra, dhe vijnë e largojnë këtu tek ne”, shtoi ai.

E Instituti Kombëtar i Shëndetit Publik ka apeluar qytetarët që jetojnë në zonat endemike te kenë kujdes të shtuar.

Sipas tyre, zonat më të zonat më të rrezikuara sipas IKSHPK-së janë: Malisheva, Rahoveci, Suhareka, Klina dhe Gjakova.

E nga Komuna e Rahovecit bëjnë të ditur se i kanë 13 zona potenciale të rrezikuara.

“Ne si komunë kemi lidhur kontratë nga Drejtoria e Shëndetësisë, për dezinfektim, deratizim dhe dezinfektim (DDD), si dhe i kemi te klasifikuar 13 zona si më të rrezikuara. Për këtë çështje AUV ka kompetencë dhe duhet të ofrojë bashkëpunim”, thuhet nga Komuna e Rahovecit.

Me rritjen e temperaturave, është rritur edhe mundësia që rriqrat të jenë bartëse të virusit që shkakton ethe hemorragjike./teve1

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy