Lladrovci për Hamzën: Kandidaturë e kompletuar, gëzon respektin e përkrahjen edhe nga aleatët tanë historikë
Autori: Gazeta inFokus 21:24 | 28 March 2024
Kryetari i komunës së Drenasit, Ramiz Lladrovci, ka postuar fjalimin që ai ka mbajtur sot në mbledhjen e Këshillit të Drejtues të PDK-së.
Ai ka përgëzuar kryetarin e PDK’së, Memli Krasniqin, që e ka propozuar Bedri Hamzën për kryeministër. Lladrovci ka përgëzuar edhe Hamzën që “në këtë devalvim të plotë aktual ekonomik, e merr përsipër perspektivën dhe zhvillimin e këtij vendi”.
“E mora fjalën, të japë dy tri vlerësime shumë pozitive, të jap përkrahjen e plotë për Kryeministrin tonë, dhe t’ju ftoj të mos i përsëritni gabimet e zgjedhjeve të kaluara lokale. Ju përgëzoj miku im, Memli, për vendimin e propozimit për Kryeministër të Bedri Hamzës. Shembulli Juaj, dëshmon përkushtimin partiak, njëherësh modestinë dhe devotshmërinë për të çuar kauzën e partisë së lirisë, partisë së çlirimit, Partinë Demokratike. Dua ta përgëzoj Bedri Hamzën që në këtë devalvim të plotë aktual ekonomik, e merrni përsipër perspektivën dhe zhvillimin e këtij vendi.”
Lladrovci ka thënë se kandidatura e Bedri Hamzën është e kompletuar, me përvojë, me aftësi të dëshmuar dhe sipas tij gëzon përkrahje nga aleatët historikë.
“Miku im Bedri, ju do të keni sukses ta ringjallni ekonominë, do ta ngritni më lartë, sepse, kjo ekonomi sot, ma poshtë nuk ka ku të shkojë. Dua të përgëzoj vendimin njëzëri për këtë propozim. Besoj fort se Bedri Hamza është kandidaturë e kompletuar, me përvojë, me aftësi të dëshmuara dhe njëherësh, gëzon respektin e përkrahjen edhe jashtë Kosovës, edhe nga aleatët tanë historik.”
Ai ka thënë zotimin që Drenasi do të angazhohet për Hamzën.
“Ju garantoj e siguroj se në bastionin e UÇK-së dhe të PDK-së, në Drenas- zemrën e Kosovës, do të angazhohemi me tërë forcat për çdo votë, për kryeministrin tonë, Bedri Hamzën.”
Fjalimi i plotë:
I nderuari kryetar Memli Krasniqi,
E nderuara Kryesi e punës,
Anëtarë të Këshillit Drejtues,
E mora fjalën, të japë dy tri vlerësime shumë pozitive, të jap përkrahjen e plotë për Kryeministrin tonë, dhe t’ju ftoj të mos i përsëritni gabimet e zgjedhjeve të kaluara lokale.
Ju përgëzoj miku im, Memli, për vendimin e propozimit për Kryeministër të Bedri Hamzës.
Shembulli Juaj, dëshmon përkushtimin partiak, njëherësh modestinë dhe devotshmërinë për të çuar kauzën e partisë së lirisë, partisë së çlirimit, Partinë Demokratike.
Dua ta përgëzoj Bedri Hamzën që në këtë devalvim të plotë aktual ekonomik, e merrni përsipër perspektivën dhe zhvillimin e këtij vendi.
Miku im Bedri, ju do të keni sukses ta ringjallni ekonominë, do ta ngritni më lartë, sepse, kjo ekonomi sot, ma poshtë nuk ka ku të shkojë.
Dua të përgëzoj vendimin njëzëri për këtë propozim. Besoj fort se Bedri Hamza është kandidaturë e kompletuar, me përvojë, me aftësi të dëshmuara dhe njëherësh, gëzon respektin e përkrahjen edhe jashtë Kosovës, edhe nga aleatët tanë historik.
Ju garantoj e siguroj se në bastionin e UÇK-së dhe të PDK-së, në Drenas- zemrën e Kosovës, do të angazhohemi me tërë forcat për çdo votë, për kryeministrin tonë, Bedri Hamzën.
Në këtë situatë kur për katër vjet, në komunën tonë, nuk është hedhë as një lopatë me beton për projektet kapitale nga niveli qendror, qytetarët do ta mirëpresin këtë kandidaturë si rrugë të vetme për zhvillim.
Konstanta e shtetit, duhet të kthehet aty ku e ka vendin. Variablat i kanë kushtue dhe do t’i kushtojnë vendit tonë, këtë, tashmë, qytetaeët e kanë vërejtë.
Por, dihet se heqja dorë nga ideja, edhe kur është gabim, është veti e trushpëlarëve, dhe kërkohet betejë e fortë e demaskimit të mashtrimit.
Demaskimi i mashtrimit nuk mund të bëhet me keqbërës, sepse, ata luftojnë për lëkurën e vet, jo për qytetarët, as për Kosovën, as për rrugën tonë të fuqizimit të shtetit.
Ndryshe shihet e komentohet një foto në Prishtinë, ndryshe në komunën e Drenasit. Kërkoj të mos mashtroheni nga joshjet e keqbërësve, sepse, nëse vjen një me një foto, dy largohen nga ne edhe pa foto.
Kërkoj të hidhet vëmendja te votuesit që votojnë për herë të parë dhe te të papërcaktuarit.
Ju ftoj t’i shtrëngojmë radhët, të mos lejojmë të kthehet Serbia.
Ju ftoj të bëjmë më të mirën, për Kosovën dhe kombin.
Kryetar Memli Krasniqi, ne jemi gati!
Kryeministër Bedri Hamza, ne në Drenas, me tërë energjitë tona, do ta japim përkrahjen e plotë dhe me bindje të fuqishme se fati i Kosovës, do të jetë në duar të sigurta, brenda vlerave euro-atlantike.
Në këtë angazhim tonin atdhetar, sepse, politika u pa çka është në këto katër vitet e fundit nga kjo qeverisje, do ta gjejmë sërish fillin e zhvillimit ekonomik, ndaljen e migrimit, kthimin e besimit dhe bashkëpunimin e aleatëve tanë që na ndihmuan në ditët më të rënda.
Ne nuk guxojmë të ndalemi për të mos u ndalur Kosova.
Përgëzime Kryetar, përgëzime Kryeministër!
Ju faleminderit!
Të tjera
-
Ramush Haradinaj kujton Tahir e Nebih Mehën në 43-vjetorin e rënies
Kryetari i AAK-së, Ramush Haradinaj, ka shkuar në Prekaz për ta kujtuar Tahir...
-
Përleshje masive mes shqiptarëve në Greqi, raportohet për pesë arrestime
Dy grupe shqiptarësh raportohet të jenë përfshirë në një sherr masiv mbrëmjen...
-
Deçan: Një person gjendet pa shenja jete
Një person është gjetur pa shenja jete në fshatin Baballoq të Deçanit. Ras...
-
Ekspozonte ārmën në rrjete sociale, policia shoqëron në stacion gruan në Pejë
Një grua është dërguar në stacionin e policisë në Pejë nën dyshimin për posed...
-
Osmani shpërndan fjalimin e shefes së USAID, e cila përmendi Kosovën para mijëra vetave gjatë ceremonisë së diplomimit në Universitetin e Iowa’s
Presidentja e Kosovës, Vjosa Osmani, e ka falënderuar USAID-in dhe Universite...
-
Nënkryetarja e Komunës së Leposaviqit: Derisa marrin paga nga Beogradi, integrimi është i vështirë
Në komunat në veri të republikës është kthyer qetësia dhe deri diku edhe ligj...
-
Putin shkarkon ministrin e Mbrojtjes, Sergei Shoigu
Presidenti rus Vladimir Putin do të zëvendësojë aleatin e tij të vjetër Serge...
-
Tetë vjet nga anëtarësimi i Kosovës në FIFA
Si sot para tetë vjetësh Kosova u bë anëtarja e 210-të e FIFA-s. FFK-ja mori ...
-
Banjska mund të përsëritet, Quni: Moska dhe Beogradi tentojnë destabilitetin në rajon
Sulmi terrorist në Banjskë më 24 shtator, ku mbeti i vrarë heroi Afrim Bunjak...
-
Sot takimi i radhës në Bruksel? BE pret që të jetë edhe i fundit
Të shtunën ka përfunduar periudha transitore e Bankës Qendrore të Kosovës rre...
-
Kreu i IPK-së Kushtrim Hodaj raporton në Komisionin e Sigurisë
Kryeshefi Ekzekutiv i Inspektoratit Policor të Kosovës, Kushtrim Hodaj, sot d...
-
Moti sot me diell dhe vranësira të shpërndara
Instituti Hidrometeorologjik i Kosovës, njofton se sot mban mot me diell dhe ...