Shtyhet gjykimi ndaj të akuzuarit për shantazh, i kërkoi 20 mijë euro një personi për të mos ia publikuar disa biseda
Autori: Gazeta inFokus 12:09 | 19 March 2024
Për shkak se nuk ishte i pranishëm askush nga Prokuroria për ta përfaqësuar aktakuzën, është shtyrë seanca e së martës në Gjykatën Themelore në Pejë në rastin ku A.R., ngarkohet për shantazh ndaj të dëmtuarit R.A.
Gjykatësja e rastit Blerta Kelmendi tha se nuk ka fletëkthesë të kthyer nga Prokuroria, çka rezulton se nuk dihet nëse a kanë pranuar ftesën, raporton “Betimi për Drejtësi”.
Në seancë, gjithashtu mungoi edhe i dëmtuari R.A., i cili përmes një parashtrese të dërguar më 18 mars 2024, kishte thënë se në seancën e sotme nuk mund të marrë pjesë për shkaqe shëndetësore.
Përmes asaj parashtrese, i dëmtuari kishte kërkuar që seanca të mbyllet për publikun dhe mediat për shkak të ndjeshmërisë së rastit dhe ngarkesës psikologjike të tij dhe familjes së tij.
Gjyqtarja Kelmendi lidhur me këtë rrethanë tha se njëherë nuk do të vendosë, andaj në mungesë të kushteve ligjore seanca e sotme është shtyrë.
Ndryshe, sipas aktakuzës së Prokurorisë Themelore në Pejë, të ngritur më 19 janar 2024, A.R, po akuzohet se me dashje ka kanosur të dëmtuarin R.A., se do të zbulojë diçka në lidhje me të që do të dëmtonte nderin dhe autoritetin e tij.
Gjithnjë sipas aktakuzës, i pandehuri A.R., në vazhdimësi kishte kanosur të dëmtuarin R.A., se do të publikonte rrethana nga jeta personale, nga bisedat e tyre të shkëmbyera përmes rrjeteve sociale, pasi thuhet se të njëjtit kishin raporte shoqërore.
Tutje, në aktakuzë thuhet se i pandehuri në vazhdimësi i kishte bërë presion të dëmtuarit, duke i kërkuar të holla dhe atë në shumën 20 mijë euro ose në të kundërtën do t’i publikojë bisedat lidhur me raportin e tyre, që do të dëmtonin nderin dhe autoritetin e tij, duke e detyruar të njëjtin të veprojë në dëm të pasurisë së tij.
Me këtë rast, i pandehuri A.R., po akuzohet se ka kryer veprën penale “Shantazhi”, nga neni 329, par.1 të Kodit Penal.
Të tjera
-
Haradinaj kujton Ilir Konushevcin: Pas rënies së Luanit, humbja e tij ishte goditje e rëndë për ne
Kryetari i Aleancës për Ardhmërinë e Kosovës (AAK), Ramush Haradinaj, ka kujt...
-
Ndahet nga jeta veterani i UÇK-së, Sadik Shabani
Dje është ndarë nga jeta veterani i UÇK-së, Sadik Shabani nga Vushtrria. S...
-
Këngëtarja Teuta Selimi viktimë e dhünës në familje, e denoncon bashkëshortin dhe vëllain
Këngëtarja kosovare, Teuta Selimi ka kërkuar ndihmën e Policisë së Kosovës, d...
-
Rriten çmimet e naftës
Çmimet e naftës u rritën të enjten, të ndihmuar nga të dhënat që tregojnë ore...
-
Kuka për Majlindën: I tregove botës vlerat e femrës shqiptare
Mbretëresha e sportit kosovar, Majlinda Kelmendi sot feston datëlindjen e saj...
-
Itali, arrestohen për dro*ë nënë e bir shqiptarë
Dy shqiptarë, nënë e bir janë arrestuar për drogë në Cuneo të Italisë, raport...
-
U-21/ Shqipëria dhe Serbia kërkojnë ta organizojnë bashkë Evropianin e vitit 2027
Pas organizimit të suksesshëm të finales së parë të UEFA Conference League në...
-
Presidenca belge pro heqjes së masave ndaj Kosovës
Me organizimin e referendumit në katër komunat veriore të vendit, Kosova kons...
-
Kosova s’është në agjendën e Komitetit të Ministrave të KiE-së
Kosova, tash për tash, nuk është në agjendën e Komitetit të Ministrave të Kës...
-
Kryeministri Kurti bën homazhe te varret e Ilir Konushevcit dhe Hazir Malajt
Kryeministri i Kosovës, Albin Kurti së bashku me një pjesë të kabinetit të ti...
-
Hoxhaj: Kosova pa asnjë njohje që katër vjet, i ka humbur momentumi ndërkombëtar
Ish-ministri i jashtëm Enver Hoxhaj, ka thënë se Palestina, edhe pse në Gaza ...
-
Ky është polici që u plāgos nga hajnat në Klinë
Në orët e para të mëngjesit të së enjtes është plagosur një polic në Zllakuqa...