Lajme

Borell: Serbia dhe Kosova kanë arritur progres shumë të kufizuar

Autori: Gazeta inFokus 11:11 | 18 Mars 2024

Përfaqësuesi i lartë i Bashkimit Evropian për politikë të jashtme dhe siguri, Josep Borrell ka pranuar se ka pritur më shumë sukses në zbatimin e marrëveshjes së Ohrit.

“Sot është përvjetori i parë i Marrëveshjes së Orientit. Koha ikën dhe tashmë është një vit që kemi arritur një marrëveshje ndërmjet Kosovës dhe Serbisë për të ecur drejt normalizimit. Fatkeqësisht, përkundër mbështetjes së gjerë të Bashkimit Evropian dhe ndërkombëtare, Serbia dhe Kosova kanë arritur progres shumë të kufizuar. Së shpejti do të jetë takimi vjetor i kryenegociatorëve këtu në Bruksel. Më vjen shumë keq që kjo marrëveshje e cila ishte shumë e vështirë për t’u arritur, nuk është zbatuar. Do vazhdohet me presion ndaj të dyja palëve për të ecur përpara. Por një vit më vonë, zbatimi nuk ka qenë aq sa prisja të ishte”, ka deklaruar shefi i diplomacisë evropiane.

Më 18 mars të viti të kaluar, liderët e Kosovës dhe Serbisë u dakorduan për aneksin e zbatimit të marrëveshjes Bazë për të cilën ishte arritur ujdia më 27 shkurt. Mirëpo palët nuk kanë lëvizur drejt zbatimit të marrëveshjes. Bashkimi Evropian akuzon si Kosovën ashtu edhe Serbinë për mungesë vullneti për të zbatuar marrëveshjen e dakorduar.

-Advertisement-

Ndërkohë periudha pas marrëveshjes së arritur në Ohër është përshkuar me rritje tensionesh m,es Serbisë e Kosovës. Tensionet e fundit u shënuan në muajin shkurt për shkak të rregullores së Bankës Qendrore të Kosovës me të cilën u ndalua përdorimi I valutës serbe, dinarit. Kjo ka hasur në kritikë të bashkësisë ndërkombëtare duke u kërkuar që kjo çështje të zgjidhet në kuadër të dialogut.

Të martën më 19 në Bruksel do diskutohet çështja e dinarit në nivel të kryenegociatorëve.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy