Lajme

“S’ki nevojë mi raportu”, “s’je argat”- Dejona Mihali “mollë sherri” mes deputetit Berisha dhe ministrit Maqedonci

Autori: Gazeta inFokus 12:55 | 12 February 2024

Kryetari i Komisionit për Siguri, Bekë Berisha, është përplasur me ministrin e Mbrojtjes, Ejup Maqedonci, për koordinatoren e VV’së, Dejona Mihalin.

Berisha e ka pyetur nëse Maqedonci është takuar me Mihalin dhe se ky i fundit ka thënë se ka pasur takim të rastësishëm me të në Gërmi, shkruan Gazeta Insajderi.

“Zakonisht gjatë vikendeve bëj ecje në Gërmi edhe kam pasur takim të rastësishëm. S’besoj që është ndonjë gjë e veçantë, nuk ka qenë drejtori i AKI’së prezent”, ka deklaruar Maqedonci.

-Advertisement-

Në anën tjetër, njëherësh edhe deputeti Berisha ka thënë se s’mund të quhet i rastësishëm takimi me Mihalin, meqë “kjo po lajmërohet në gjithçka”.

Në anën tjetër, Berisha ka thënë se Mihali s’ka as shtetësi të Kosovës që t’i raportohet asaj.

Maqedonci iu është kundërvën duke thënë se pavarësisht postit, ka të drejtë të takoj çdo qytetar që jeton në Kosovë.

Përplasja mes Maqedoncit dhe Berishës:

Ejup Maqedonci: Zakonisht gjatë vikendeve bëj ecje në Gërmi edhe kam pasur takim të rastësishëm. S’besoj që është ndonjë gjë e veçantë, nuk ka qenë drejtori i AKI’së prezent.

Bekë Berisha: Ministër nuk është rastësisht mu taku me Dejonën, kjo po lajmërohet në gjithçka. Tek ministrat e të tjerë që ushtrojnë funksione të rëndësishme në shtetin e Kosovës. Nuk është njeri legjitim, nuk është qytetare e Republikës së Kosovës. E ka emrin Dejona Mihajli dhe ti je Ministër i Mbrojtjes së Kosovës në situatën më të ndijshme ndonjëherë. Ka shumë rëndësi mos me u taku me të. Ti nuk je deputet, as argat as s’ki mi raportu kërkuj. Ti raporton qitu tek deputetët, jo tek ajo. Këta merre si vërejtje.

Ejup Maqedonci: Ne organizojmë takime me shumë njerëz. Së pari i raportoj kryeministrit të vendit. Nuk konsideroj të jetë e ndaluar pavarësisht pozitës me njerëz që qëndrojnë në këtë vend.

Bekë Berisha: Ministër kam mendu që naj grimë UÇK. Mos e harro, s’ki nevojë, maje pak. Mos hin ma thellë bre, s’ki nevojë me ja përmend më hiç. /Insajderi.org/

Subscribe në YouTube: GAZETA INFOKUSI
Etiketa:
Viva Fresh Store triumfon në çmimet Best Buy Award 2024/2025 në Kosovë!
-Advertisement-

Të tjera

Fokusi

lajme