Reshjet e borës që kanë filluar nga mbrëmë e që po vazhdojnë edhe sot, kanë vështirësuar qarkullimin në disa pjesë të vendit. Mirëpo, sipas institucioneve të gjitha rrugët janë të kalueshme. Reshjet pritet të vazhdojnë deri nesër në mëngjes. Nga MMPHI’ja thonë se janë në gjendje gatishmërie për të intervenuar në çdo situatë

Zëvendësministri i Ministrisë së Mjedisiti, Planifikimit Hapësinor dhe Infrastrukturës, Hysen Durmishi, i ka thënë Gazetës Express se kompanitë e kontraktuara nga ministria janë vazhdimisht në terren duke pastruar borën dhe duke hedhur kripë.

Sipas Durmishit, janë 19 kontrata për mirëmbajtje të rrugëve dhe se janë në gjendje gatishmërie për të intervenuar në çdo situatë.

-Advertisement-

“Të gjitha rrugët në Kosovë janë të kalueshme. Të gjithë operatorët ekonomik të kontraktuar nga ministria janë vazhdimisht në teren duke pastruar borën dhe duke hudhur kripë. Ne kemi 19 kontrata për mirëmbajtje të rrugëve të cilët janë në gjendje gatishmërie për të intervenuar në çdo situatë. Pra jemi të përgatitur që të intervenojmë sa herë ka reshje të bores”, ka deklaruar Durmishi.

Ai u ka bërë thirrje shoferëve që të kenë kujdes gjatë vozitjes dhe t’u përshtaten kushteve atmosferike.

“Edhe me këtë rast ju bëjë thirrje të gjithë pjesëmarrësve në komunikacion që t’i përshtaten kushteve atmosferike gjatë vozitjes dhe të vozitin me kujdes të shtuar. Ne jemi në teren që tua bëjmë sa më të lehtë lëvizjen nëpër rrugët e Kosovës”, ka thënë Durmishi për Express.

Edhe rrugët që shpien drejt pikave kufitare janë të kalueshme, përveç asaj Prishtinë-Mutivodë, e cila është e pakalueshme për kamionë.

Sipas përditësimit të fundit që ka bërë Qendra Kombëtare për Menaxhim Kufitar, kjo rrugë është e kalueshme për automjete me paisjet dimërore.

Ndërkohë, për gjendjen e rrugëve në kryeqytet është deklaruar Kryetari i Komunës së Prishtinës, Pëprarim Rama.

Ai ka thënë se kompanitë gjatë gjithë kohës janë në terren, bashkë me zjarrfikësit dhe se po kujdesen që qarkullimi mos të jetë i vështirësuar.

“Ju lutem të keni kujdes dhe të ndiqni rregullat gjatë vozitjes në këtë periudhë të vështirë me borë, duke pasur parasysh se po bie vazhdimisht.  Ju lutem kujdes, ruani distancën e sigurt në rrugë. Çdo rast rreziku raportoni në Qendrën Operative Emergjente të Kryeqytetit”, ka shkruar Rama.

Reshjet e borës do të vazhdojnë deri nesër në mëngjes, ku do të formojnë një shtresë deri në 10 e 15 cm përgjatë viseve të ulëta, e në vise malore deri në 40 e 50 cm.

“Nga dita e diel na pret mot me kthjellime por i acartë, me minimale që zbresin deri në -10C, mëngjesin e së hënës, e maksimalet arrinë deri në 0C e 2C, me rritje graduale në 3C e 4C, ditën e martë dhe mërkurë. Indeksi i cilësisë së ajrit ditën e shtunë mbetet përreth vlerave të pranueshme dhe të mira.  Me pushimin e erërave nga mbrëmja e së dieles, ndotësit ajror mbeten më të përqëndruar pranë sipërfaqes, e indeksi kalon në vlera të dobëta dhe shumë të dobëta, të hënën shkurtimisht edhe në jashtëzakonisht të dobëta”, thuhet në njoftimin e “Mendimi për motin”.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-