Lajme

Murati: Afro 12 milionë euro të marra nga katër komunat e Veriut do ti transferohen KOSTT-it për pagimin e borxhit

Autori: Gazeta inFokus 16:04 | 27 December 2023

Ministri i ekonomisë, Hekuran Murati ka deklaruar se është miratuar vendimi që buxheti prej afro 12 milionë eurosh nga katër komunat e Veriut do ti transferohet KOSTT-it për shlyerje të borxhit.

Sipas tij borxhi duhet paguar.
Postimi i plotë:

Energjia elektrike e shpenzuar është borxh, dhe borxhi duhet paguar.

-Advertisement-

Andaj me vendimin që morëm sot në mbledhje të Qeverisë, do të merret buxheti i katër komunave në veri të vendit, dhe do të shfrytëzohet për të paguar një pjesë të borxhit ndaj KOSTT-it që është akumuluar nga devijimet deri më tani.

Shuma totale prej 11,880,246.33 euro, përfshirë edhe mjetet e alokuara të Fondit Zhvillimor në Mirëbesim, merret nga katër komunat Leposaviq, Zubin Potok, Zveçan, Mitrovicë e Veriut dhe i transferohet KOSTT-it për të paguar një pjesë të borxhit për energjinë e shpenzuar.

Subscribe në YouTube: GAZETA INFOKUSI