Lajme

Kurti takoi ish-drejtorin e USAID-it, diskutuan për rëndësinë e investimit në arsim

Autori: Gazeta inFokus 18:17 | 05 December 2023

Kryeministri i Kosovës, Albin Kurti, takoi ish-drejtorin e USAID në Kosovë dhe anëtarin e bordit të KAEF-it, Dale Pfeiffer.

Sipas një komunikate të Qeverisë, Kurti dhe Pfeiffer, diskutuan mbi nevojën e investimit në arsim, veçanërisht për studiuese vajza dhe gra.

“Gjatë takimit, u diskutua rreth arsimit në Kosovë, përfshirë sfidat si dhe hapat e nevojshëm për të përmirësuar cilësinë në të gjitha nivelet. Kryeministri Kurti theksoi rëndësinë e investimeve në arsim si një prioritet i qeverisë. Ai veçoi rritjen e buxhetit të përgjithshëm për arsimin, dhe shtimin e bursave për studentë, veçanërisht për studente vajza dhe gra në fushat STEM. Javën e kaluar u ndanë 1882 bursa për studente në fushat STEM, duke e ngritur numrin në gjithsej 4630 bursa për gra dhe vajza në këto fusha për tri vite akademike radhazi. Me rritjen e numrit të studenteve në këto drejtime zvogëlojmë pabarazitë sociale dhe mbështesim pavarësimin ekonomik të grave dhe vajzave”, thuhet në komunikatë.

-Advertisement-

Subscribe në YouTube: GAZETA INFOKUSI
Etiketa:
Comodita në Las Vegas Market prezanton linjat e reja të dyshekëve për tregun amerikan
-Advertisement-

Të tjera

Fokusi

lajme