Fokus

Gazeta Infokus kërkoi qasje në kontratën e Gani Jakupit, Donika Gërvalla thotë se është konfidenciale

Autori: Gazeta inFokus 12:56 | 24 Nëntor 2023

Gazeta Infokus qysh një muaj më parë kishte kërkuar qasje në dokumente publike në Ministrinë e Punëve të Jashtme dhe Diasporës, konkretisht në listën e këshilltarëve të jashtëm që janë të angazhuar që të lobojnë për Kosovën si dhe në kontratat e tyre, duke përfshirë këtu edhe Gani Jakupin.

E duke qenë se ministria e Donika Gërvallës e ka shkelur ligjin duke mos kthyer përgjigje ashtu siç përcaktohet me ligjin në fuqi brenda 7 ditësh, madje nuk ka kthyer as edhe një përgjigje negative apo sqarim, sot në komisionin parlamentar për Punë të Jashtme, e para e kësaj ministrie tha se kontratat janë konfidenciale dhe se të njëjtat nuk i ka de klasifikuar ende institucioni përkatës.

“…prandaj unë jam shumë krenare, shumë jam krenare që me këtë shumë modeste e cila nuk është pagë mujore, e cila është shuma që përfshin shpenzimet e një projekti të tërë 1 vjeçar dhe e cila është një shumë që është shumë modeste në krahasim me gjithë lobimin dhe dokumentacionin  që unë kam parë në Afrikë dhe në shtete të tjera. E kam parë me shumë kujdes sepse është detyra ime, tjetër është që janë kontrata konfidenciale të së kaluarës të cilat nuk i ka de klasifikuar ende institucioni përkatës, përndryshe me shumë kënaqësi vij këtu dhe u tregoj për kontrata të lobimit në të kaluarën”, tha Gërvalla.

-Advertisement-

Donika Gërvalla zgjedhë të shkelë ligjin për të fshehur pagat e majme të Këshilltarëve të jashtëm

Derisa Gërvalla në komision shtoi se është e vështirë të gjenden personalitete të rendësishme kulturore dhe publike si Gani Jakupi.
“Vështirë është të gjesh personalitete të rëndësishme kulturore dhe publike të vendeve të ndryshme të cilat me një shumë, shumë modeste e cila pothuajse nuk i tejkalon shpenzimet që Republika e Kosovës i ka për një diplomat në vendin pritës. Pra ndërkohe që zonja Musliu Shoshi dhe të gjithë ata që mundohen të denigrojnë personalitetin e njerëzve të shquar si në rastin e zotit Gani Jakupi. Të gjithë ata persona bëjnë sikur nuk e kuptojnë qetë kjo nuk është pagë por është projekt i lidhur me objektiva të qarta të përcaktuara qartë i cili i shërben Republikës së Kosovës nëpër vendet jo njohëse kryesisht”, tha Gërvalla.Gazeta Infokus tashmë ka nisur marrjen e masave kundrejt kësaj ministrie sipas ligjit në fuqi për qasje në dokumente publike./Gazeta Infokus/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

fokus

Ky website përdor cookies. Duke vazhduar përdorimin, ju pranoni përdorimin e tyre.

Privacy policy