SPAK heton ish-ministrin e Shëndetësisë, Ilir Beqaj, për “shpërdorim detyre”
Autori: Gazeta inFokus 16:20 | 18 November 2023
Prokuroria e Posaçme kundër Korrupsionit (SPAK) njoftoi po heton për “shpërdorim detyre” ish-ministrin e Shëndetësisë së Shqipërisë, Ilir Beqaj.
Me kërkesë të SPAK-ut, Gjykata Kundër Korrupsionit ka vendosur ndaj Beqajt masën e sigurisë “detyrim paraqitje” si dhe “ndalim të daljes jashtë shtetit”. Caktimi i masave të sigurisë për Beqajn lidhet me hetimin e nisur nga SPAK-u më 13 janar të vitit 2020 për koncesionin e sterilizimit, për të cilin janë të arrestuar dy persona dhe gjashtë të tjerë hetohen në gjendje të lirë.
Në njoftimin e SPAK-ut, u tha se Ilir Beqaj është i detyruar të paraqitet para policisë gjyqësore, një herë në javë, çdo të premte në orën 15:30. Gjithashtu ai është urdhëruar që të mos largohet nga Shqipëria. Këto masa, SPAK i ka shqiptuar ndaj ish-ministrit të Shëndetësisë një ditë më herët.
Më 2020, SPAK-u regjistroi procedimin penal për “shpërdorim detyre”, “shkelje e barazisë së pjesëmarrësve në tenderë” si dhe “korrupsion pasiv i zyrtarëve të lartë”. Hetimi nisi pas kallëzimit që bëri lëvizja “Nisma Thurje” për procedurën e dhënies me koncesion “për shërbime të integruara për ofrimin e setit të personalizuar të instrumenteve kirurgjikale, furnizimin me material mjekësor steriol një përdorimësh në sallat kirurgjikale si dhe trajtimin e mbetjeve biologjike dhe dezinfektimin e sallave kirurgjikale”.
Kontrata koncensionare 10-vjeçare, në vlerë prej afër 100 milionë dollarë, u firmos në dhjetor të vitit 2015 dhe ende vijon të zbatohet.
Për abuzimet me këtë kontratë janë arrestuar ish-zëvendësministri i Shëndetësisë, Klodian Rrjepaj, dhe biznesmeni Ilir Rrapaj, përfaqësues i kompanisë që fitoi tenderin për të ofruar shërbimin e sterilizimit. Ndërkaq, gjashtë persona të tjerë janë në hetim në masa sigurie “arrest shtëpiak” ose “detyrim me paraqitje”.
Më herët, Ilir Beqaj ka mbrojtur koncesionin e sterilizimit si të domosdoshëm, me arsyetimin se centrali i sterilizimit në Qendrën Spitalore Universitare “Nënë Tereza” (QSUT) nuk mbulonte nevojat për të gjitha spitalet në vend.
Në gusht të 2023, Gjykata pasi caktoi masën e sigurisë për ish-zëvendësministrin Rrjepaj dhe biznesmenin Rrapaj, dhe i sugjeroi SPAK-ut që të shtrinte hetimet edhe ndaj ish-ministrit të Shëndetësisë, Ilir Beqaj, dhe ish-ministrin e Financave, Shkëlqim Cani, si dhe ndaj katër komisionarëve të prokurimeve.
Sipas hetimeve të deritanishme është vërejtur shkelje e barazisë së konkurrentëve në garë, fryrje artificiale dhe shumëfishim i kostove dhe çmimeve, falsifikim i dokumenteve dhe shifrave statistikore. Gjithashtu ka rezultuar se qendra e re e sterilizimeve të QSUT-së ka kaluar në përdorim të koncesionarit.
Ilir Beqaj ishte emëruar ministër i Shëndetësisë në vitin 2013 dhe gjatë mandatit të tij katërvjeçar ishin firmosur tri kontrata koncesionare për shërbime të sistemit shëndetësor. Bëhet fjalë për koncesionin e sterilizimit, atë të ‘check up’ apo analizave për kontrollin bazë të popullsisë si dhe për koncesionin e shërbimit të hemodializës. Për të tria këto koncensione ka pasur denoncime nga opozita dhe përfaqësues të shoqërisë civile për afera korruptive.
Aktualisht Ilir Beqaj drejton Agjencinë Shtetërore të Programit Strategjik dhe Koordinimit të Ndihmës dhe në tetor të këtij viti, ai u bë pjesë e grupit negociator për integrimin e Shqipërisë në Bashkimin Evropian.
Të tjera
-
Qeveria ndan mbi 10 mijë euro për Këshillin Kombëtar Shqiptar të Luginës
Qeveria e Kosovës ka vendosur të ndajë mbi 10 mijë euro për mbështetje financ...
-
Zhduket një 56-vjeçar nga Peja, familjarët kërkojnë ndihmë për ta gjetur
Familja Pupovci nga Peja po kërkojnë ndihmë për gjetjen e familjarit të tyre,...
-
Kurti shkoi në Hamburg për të parë “kontrollin kulmor të mallrave” që bëhet me skaner me rreze X
Kryeministri i Kosovës Albin Kurti ka shkruar në Hamburg për të parë nga afër...
-
Moti i nxehtë, shtohet numri i pacientëve në QKMF – “Evitoni ekspozimin në diell, pini sa më shumë ujë”
“Ai saçi i nxehtësisë këtë javë do të jetë i stacionuar bash mbi rajonin tonë...
-
Xizang-u bën hapa të jashtëzakonshëm në zhvillimin e gjelbër dhe me cilësi të lartë
Rajoni Autonom i Xizang-ut në Kinën Jugperëndimore do të shfrytëzojë më tej p...
-
Osmani kujton Nekibe Kelmendin: Vazhdon të na frymëzojë dhe udhëheqë
Në trembëdhjetë vjetorin e ndarjes nga jeta të Nekibe Kelmendit, Presidentja ...
-
”Kjo quhet Krenari”, Edi Rama reagon pas barazimit të Shqipërisë
Kryeministri i Shqipërisë, Edi Rama, ka komentuar ndeshjen e sotme mes Shqipë...
-
“FSHF mos bashkëpuno me një shtet gjenocidal” – Tifozët i bëjnë thirrje Federatës Shqiptare të Futbollit të mos e organizojë evropianin për të rinj me Serbinë
Tifozët shqiptarë nga stadiumi ku Shqipëria u ndesh me Kroacinë i kanë dërgua...
-
IHMK: Në shkollat ku s’ka kondicioner e ujë të mjaftueshëm, orët të shkurtohen në 30 minuta
Instituti Hidrometeorologjik i Kosovës ka propozuar që për shkak të temperatu...
-
Nëntë të lënduar si pasojë e një aksidenti mes dy veturave në rrugën Mitrovicë – Podujevë
Nëntë persona janë lënduar si pasojë e një aksidenti që ka ndodhur sot në rru...
-
Osmani kujton Nekibe Kelmendin: Trashëgimia e saj vazhdon të na frymëzojë dhe udhëheqë
Presidentja Vjosa Osmani ka përkujtuar Nekibe Kelmendin në 13-vjetorin e ndar...
-
Gjasula e mban të gjallë shpresën shqiptare për kualifikim
Klaus Gjasula ka shënuar në minuta shtesë për të barazuar ndeshjen me Kroacin...